Nizami rayonunda qətl hadisəsi baş verib. Gənc oğlan kirayə yaşadığı evdə qətlə yetirilib. Hadisə Bakının Nizami rayonu, Rüstəm Rüstəmov küçəsi 4, mənzil 46-da qeydə alınıb. Həmin ünvanda yaşayan Fərid Abbasovun üzərində çoxsaylı xəsarətləri olan meyiti aşkar edilib. Hadisə yerinə Nizami rayon Polis İdarəsinin və rayon Prokurorluğunun əməkdaşları cəlb olunub. Polisdən verilən məlumata görə, hələlik qətlin hansı şəraitdə törədilməsi məlum deyil. Araşdırmalar zamanı məlum olub ki, Fərid Abbasova həmin ünvanda kirayə qalırmış. Qonşular bildirdilər ki, mərhumu heç vaxt həyətdə görməyiblər. Hazırda hadisənin baş vermə səbəbləri və qətli törədən şəxslərin müəyyənləşdirilməsi istiqamətində istintaq-əməliyyat tədbirləri davam etdirilir. Faktla bağlı Nizami rayon Prokurorluğunda cinayət işi başlanıb, araşdırmalar davam etdirilir.

http://kepeztv.az