Sumqayıtda kirayəşin ev sahibini qətlə yetirib. 21 yaşlı qız 75 yaşlı qadını bıçaqlayaraq öldürüb.

Hadisə Sumqayıt şəhəri, 9-cu mikrorayon, 69 saylı binanın 29-cu mənzilində qeydə alınıb. Həmin mənzildə kirayədə yaşayan, 21 yaşlı Şərqiyə Ramazanova ev sahibi, 75 yaşlı Səmayə Nəcəfovanı bıçaqlayaraq qətlə yetirib. Hadisə barədə dərhal polisə məlumat verilib. Şəhər hüquq-mühafizə orqanlarının əməkdaşları cinayət baş vermiş ünvana gediblər. Qətldə istifadə olunan bıçaq maddi sübut kimi götürülüb. Cinayəti törətməkdə şübhəli bilinən Şərqiyə Ramazanova isə saxlanılaraq istintaqa təhvil verilib. Qonşulardan əldə etdiyimiz məlumata görə, mərhum Səmayə Nəcəfova uzun müddət yataq xəstəsi olub.

Qeyd edək ki, cinayəti törətmiş Şərqiyyə Ramazanova Sumqayıt Dövlət Universitetinin mühəndislik fakültəsində 4-cü kurs tələbəsidir.

Faktla bağlı cinayət məcəlləsinin qəsdən adamöldürmə maddəsi ilə cinayət işi başlanıb. Araşdırmalar aparılır.

http://kepeztv.az