Digər itkinlərin axtarışı davam etdirilir

Qarabağ kanalının İmişli rayonu ərazisindən keçən hissəsində kişi meyiti tapılıb.

ANS PRESS -in məlumatına görə, araşdırma zamanı mərhumun Ağcabədi bazarında xarici valyuta alqı-satqısı ilə məşğul olmuş 60 yaşlı Valeh İsmayılov olduğu və onun 1 həftə əvvəl suda boğulma nəticəsində dünyasını dəyişdiyi üzə çıxıb. Mərhumun meyitinə ailə üzvlərinin iştirakı ilə baxış keçirilib və hər hansı zorakılıq əlamətləri aşkarlanmayıb. Valeh İsmayılov bu il oktaybr ayının 17- də evdən çıxıb və geri qayıtmayıb. O, itkin düşmüş şəxs kimi axtarışda imiş. Bundan əvvəl Ağcabədi rayonunda daha iki şəxs itkin düşüb. Onlardan biri 56 yaşlı Fatma Yədullayeva haqqında ötən ilin avqust ayının 5- dən bu vaxtadək heç bir xəbər yoxdur. İtkin düşən şəxslərdən digəri 40 yaşlı Vüqar Hümbətov isə 2015-ci ilin may ayında evdən çıxıb və geri dönməyib.Vüqar Hümbətovun da bazarda xarici valyuta alqı- satqısı ilə məşğul olduğu deyilir.

Ağcabədi rayon polisindən ANS PRESS-ə verilən məlumata görə, itkin düşənlərin axtarışları davam etdirilir. Hazırda isə Valeh İsmayılovun hansı ərazidə kanala düşdüyü araşdırlır.