Sumqayıt şəhər polis idarəsinin əməliyyatçıları istədiyi qızı zorla qaçıran şəxsi saxlayıb. 21 yaşlı oğlan sevdiyi qızı qaçırdığı üçün istintaqa cəlb olunub.

Ceyranbatan Bağlar massivində yaşayan Şıxəli Soltan oğlu Əsədov 19 yaşlı qızının zorla qaçırılması barədə Sumqayıt şəhər Polis İdarəsinə məlumat verib. 2-ci polis bölməsinin əməliyatçıları 19 yaşlı qızı qaçırmaqda şübhəli bilinən Şabran rayon sakini 21 yaşlı Azər Ələsgər oğlu Abduləzimovu saxlayıb. Qaçırılan qız Şabran rayonunun Leyti kəndindən tapılaraq ailəsinə qaytarılıb. Saxlanılan Azər Abduləzimovun sözlərinə görə, qaçırdığı qızı Sumqayıtda keçirilən nişan mərasimlərindən birində bəyəndiyini söyləyib.

Azərin sözlərinə görə, qız qaçmağa razılıq verməyib. Sevdiyi qızın bu hərəkəti Azəri özündən çıxarıb. Beləliklə o, sevdiyi qızı oğurlamaq qərarına gəlib.

Faktla bağlı CM 144 adam oğurluğu maddəsi ilə cinayət işi başlanıb. Araşdırmalar aparılır.

http://kepeztv.az/