Gəncədə qətl hadisəsi baş verib. Gecə saat 01:00 radələrində Gəncə şəhər sakini, 32 yaşlı Lamiyə Məmmədova yaşadığı evdə odlu silahla qətlə yetirilib.
Fakta görə şəhər prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanılıb, müvafiq ekspertizalar təyin edilib.
Şəhər Baş Polis İdarəsi və prokurorluğun əməkdaşları tərəfindən həyata keçirilən təxirəsalınmaz istintaq və əməliyyat-axtarış tədbirləri nəticəsində cinayəti törətməkdə şübhəli bilinən 41 yaşlı Murad Məmmədov şübhəli şəxs qismində tutularaq istintaqa cəlb olunub. İstintaq zamanı M.Məmmədov arvadı L.Məmmədovanı qısqanclıq zəminində aralarında yaranan mübahisə zamanı ov tüfəngi ilə sonuncuya iki dəfə atəş açaraq öldürdüyü müəyyən edilib. Fakta görə şəhər prokurorluğunda Cinayət Məcəlləsinin 120.1-ci maddəsi ilə cinayət işi başlanılıb, müvafiq ekspertizalar təyin edilib. Bildirək ki, Məmmədovların birgə nigahdan 3 övladı var.