Hadisə zamanı qaçan azərbaycanlıları milis saxlayıb
Ukrayna paytaxtı Kiyevdə azərbaycanlılardan ibarət silahlı dəstə ilə yerli silahlı dəstə arasında atışma olub.
Birləşmiş Ukrayna Azərbaycanlıları Konqresinin sədri Rövşən Tağıyev APA-ya bildirib ki, hadisə ötən gün yerli vaxtla saat 13:00 radələrində baş verib.
Hadisə zamanı yerli dəstənin üzvlərindən 3 nəfər yaralanıb. Onlar hazırda xəstəxanadadırlar.
Hadisə zamanı yaxınlıqdakı milis patrul xidmətinin müdaxiləsi nəticəsində qaçan azərbaycanlıları mərkəzi �Bessarabski� bazarı yaxınlığında saxlamaq mümkün olub. Onlar saxlanılan zaman milisə müqavimət göstəriblər. Azərbaycanlılara məxsus avtomobildən külli miqdarda silah-sursat aşkar olunub.
R. Tağıyev onu da bildirib ki, yaxın saatlarda Kiyev şəhər milisi saxlanılan azərbaycanlıların kimliyi və hadisənin təfərrüatı ilə bağlı ətraflı məlumat verəcək.