Öz mənzilində tək yaşayan 41 yaşlı kişinin necə və hansı səbəbdən qətlə yetirildiyi bilinmir. Məlum olan budur ki, mərhum əvvəllər məhkumluq həyatı yaşayıb.

Hadisə Bakının Yasamal rayonunda baş verib. Vasif Əliyev küçəsində mənzillərdən birində kişi meyiti tapılıb. Əraziyə hüquq mühafizə orqanı əməkdaşları cəlb olunub. Mərhumun üzərinə baxış keçirilərkən onun 41 yaşlı Mirzə Hüseynov olduğu aydınlaşıb. Hüquq-mühafizə orqanı əməkdaşları 41 yaşlı kişinin üzərində kəsilmiş-deşilmiş xəsarətlər aşkar ediblər. Qətlə yetirilən şəxsin qohumlarının sözlərinə görə, əslən Masallı rayonundan olan Mirzə Hüseynov 2-ci Yasamal adlanan ərazidəki mənzildə tək yaşayırmış. Onun qətlə yetirilməsindən qonşular xəbər tutub. Meyit müayinə olunması üçün Məhkəmə Tibbi Ekspertiza və Patoloji Anatomiya Birliyinə aparılıb. Məlumdur ki, qətlə yetirilən Mizrə Hüseynov əvvəllər məhkumluq həyatı yaşayıb. Faktla bağlı Cinayət Məcəlləsinin qəsdən adam öldürmə maddəsi ilə cinayət işi başlanıb, istintaq aparılır.

kepeztv/az