DİN qanunsuz odlu silah saxlayanlara xəbərdarlıq etdi

Prezident babasından danışdı: "İş kabinetlərimdə heç bir heykəl yoxdur, təkcə bu var"

İlham Əliyev Qurban Qurbanova "Dostluq" ordenini təqdim edib

İlham Əliyev: Ermənistan 90-cı illərdə urbisid yaratmışdı, lakin onlara qarşı heç bir sanksiya tətbiq olunmadı

Azərbaycan və İslam İnkişaf Bankı Qrupu arasında sənədlər İMZALANDI

İlham Əliyev: Azərbaycanda iqtisadi inkişafla bağlı hər hansı bir çətinlik gözlənilmir

Prezident: Azərbaycanda işsizlik aşağı həddə saxlanılır

İlham Əliyev: Azərbaycanın sabit, uğurlu inkişafı var

Prezident Şuşada keçirilən beynəlxalq konfransın iştirakçılarına - Müraciət ünvanladı

DİN qanunsuz odlu silah saxlayanlara xəbərdarlıq etdi

Kriminal

Oxunub: 1 874

2 okt 2014 | 12:00

DİN qanunsuz odlu silah saxlayanlara xəbərdarlıq etdi

Oktyabrın 1-də, səhər saat 4:00 radələrində Goranboy rayonunda baş verən dəhşətli qətliamın təfərrüatları məlum olub.

Goranboyun Səfikürd kəndində yerli sakin Rafiq Hüseynov əl qumbarası və odlu silahla qayınatasının evinə hücum edərək, 5 nəfəri qadın olmaqla, 7 nəfəri öldürüb, 2 nəfəri isə yaralayıb.
Bu tükürpədici cinayət ailədaxili münaqişə zəminində baş verib. Öldürülənlər arasında onun həyat yoldaşı Südabə Hüseynova da var.
Bu, son günlər Azərbaycanda odlu silahla törədilən qətllərdən ən dəhşətlisidir. Daha öncə də odlu silahdan, xüsusilə də, ov silahlarından atılan atəş nəticəsində ölümlə nəticələnən cinayətlər baş vermişdi.
Bu hadisələrin təfərrüatları, xüsusilə də, qisas məqsədilə əl qumbarasından istifadə edilməsi cəmiyyətdə qorxunc ehtimalların yaranmasına səbəb olur. Deməli, ölkədə ayrı-ayrı evlərdə əl qumbarasına qədər müxtəlif növlərdə odlu silah saxlanılır və hər an, hər kəsi bu təhlükə gözləyir.
Qanunsuz olaraq, odlu silahların saxlanılmasına münasibət bildirən Daxili İşlər Nazirliyinin mətbuat xidmətinin rəhbəri Ehsan Zahidov bildirdi ki, ölkədə saxlanılan qanunsuz silahların müsadirə edilməsi istiqamətində tədbirlər mütəmadi şəkildə həyata keçirilir: �Təkcə baş vermiş bu hadisədən sonra yox, ümumiyyətlə, daxili işlər orqanları, hüquq-mühafizə orqanları cinayətkarlıqla mübarizədə qanunsuz silah-sursatın dövriyyəsinə, saxlanılmasına qarşı mübarizə aparır, vaxtaşırı evlərdən qanunsuz silahlar yığılır. Bu sahəyə çox böyük diqqət ayrılıb. Aydın məsələdir ki, əgər haradasa, bir qanunsuz silah saxlanılırsa, bu silah nə zamansa cinayət məqsədilə istifadə oluna bilər, çox ağır nəticələrə səbəb ola bilər.
Ona görə də, polis əməkdaşları gündəlik fəaliyyətlərində bu sahəni nəzarətdə saxlayır, əllərdə olan silah-sursatın yığılması üçün həm profilaktik tədbirlər aparırlar, həm də əməliyyat-axtarış tədbirləri həyata keçirirlər. Nəticədə, külli miqdarda qanunsuz saxlanılan odlu silah yığılıb və bu gün də tədbirlər davam edir. Həmçinin insanlarla söhbət aparılır ki, onlar könüllü olaraq, evlərində olan silah-sursatları gətirib, polisə təhvil versinlər. Bu halda onlar məsuliyyətdən azad olunurlar. Könüllü təhvil verilməyəndə polis tərəfindən əməliyyat axtarış tədbirləri həyata keçirilir, qanunsuz silahlar müsadirə olunur və onu saxlayan şəxs cinayət məsuliyyətinə cəlb edilir�.
Ov silahlarının saxlanılmasına məhdudiyyətlərin tətbiq olunacağına gəlincə, Ehsan Zahidov bildirdi ki, əgər bu silahlar qanuni şəkildə qeydiyyata götürülübsə, bu qanuni bir haldır: �Qanuni qeydiyyatı olan ov silahları insanların şəxsi mülkiyyətinə aiddir. Ancaq heç bir sənədi olmayan ov silahlarının yığılması istiqamətində tədbirlər davam etdirilir�.