Daxili İşlər Nazirliyi (DİN) Neftçalada törədilən qətllə bağlı məlumat yayıb. Nazirliyin mətbuat xidmətindən verilən məlumata görə, aprelin 19-na keçən gecə Neftçala rayonunun Mirqurbanlı kəndində kənd sakini Dadaş Əliyev ailə-məişət münaqişəsi zəminində tüfəngdən açdığı atəşlə qardaşı Fəridi öldürüb.
Neftçala Rayon Polis Şöbəsi əməkdaşlarının həyata keçirdikləri əməliyyat-axtarış tədbirləri nəticəsində D.Əliyev tutulub. Ondan hadisəni törədərkən istifadə etdiyi müvafiq sənədləri olmayan “İJ-16” markalı tüfəng götürülüb.
Faktla bağlı araşdırma aparılır.

***

Neftçalada qətl hadisəsi baş verib.
APA-nın Mil-Muğan bürosunun məlumatına görə, gecə radələrində Neftçala rayonu Mirqurbanlı kənd sakini, 1990-cı il təvəllüdlü Əliyev Dadaş Cəfər oğlu, qardaşı 1994-cü il Əliyev Fərid Cəfər oğlunu odlu silahla qətlə yetirib.
Hadisənin təfərrüatları Neftçala prokurorluğunun istintaq qrupu tərəfindən araşdırılır.
Hazırda meyit müayinə olunmaq üçün patoloji anatomiya mərkəzinə yerləşdirilib. Hadisə barədə əlavə məlumatlar veriləcək.