İlkin olaraq polisin araşdırması zamanı həmin şəxsin ev və obyekltər olmaqla, 6 halda oğurluğu qeydə alınıb.

Gəncədə polis əməliyyat tədbirləri ilə çox sayda oğurluq törədən şəxsi tutaraq istintaqa təhvil verib. Şəxsin axtarışlarına Gəncə şəhər sakini Xəqani Əbdüləzimovun polisə Əli Nəzmi küçəsində yerləşən evindən oğurluq edilməsi barədə müraciətindən sonra başlanılıb. Saxlanılan Salyan rayon sakini, 22 yaşlı Maqsud Əliyevin vətəndaşa məxsus evdən içərisində 14 min 751 manat dəyərində nağd pul və qızıl-zinət əşyaları olan seyfi oğurladığı məlum olub.

Razim Yadigarlı- müstəntiq: "Gəncə şəhər Baş Polis İdarəsinin və digər tabeli orqanların keçirdikləri əməliyyat-axtarış tədbirləri nəticəsində 1994-cü il təvəllüdlü Salyan rayonu, Əkərli kənd sakini saxlanılaraq dindirilməsi üçün istintaq idarəsinə tədim olunub. İlkin ifadə alınan zamanı Maqsud Əliyev 2016-ci ilin fevral ayının ilk günlərindən başlayaraq aprel ayına qədər Gəncə şhərində silsilə oğurluqlar etdiyini etiraf edib".

Maqsud Əliyev dindirilmə zamanı son iki ay ərzində Gəncə şəhərində daha 4 mağaza, 1 ev və 1 iaşə obyektinin qarət olunmasında təqsirkar olduğunu etiraf edib.

Maqsud Əliyev- saxlanılan şəxs: "Fevral ayında dükandan oğurluq etmişəm, bir müddət sonra yenə mağaza yarmışam. Martın əvvəllərində yenə mağazadan, evdən oğurluq etmişəm. Martın 27-dən 28-nə keçən gecə bir evdən də oğurluq etmişəm. Axırıncıda da bir kafedən oğurluq etmişəm".

Faktlarla bağlı cinayət işi açılıb, istintaq davam etdirilir.

13:35 olan xəbər

Gəncədə polis əməliyyat tədbirləri ilə çox sayda oğurluq hadisələri törədən şəxsi tutaraq istintaqa təhvil verib. Şəxsin axtarışlarına, Gəncə şəhər sakini Xəqani Əbdüləzimovun polisə Əli Nəzmi küçəsində yerləşən evindən oğurluq edilməsi barədə müraciətindən sonra başlanılıb. Saxlanılan Salyan rayon sakini, 22 yaşlı Maqsud Əliyevin vətəndaşa məxsus evdən içərisində 14 min 751 manat dəyərində nağd pul və qızıl-zinət əşyaları olan seyfi oğurladığı məlum olub. Maqsud Əliyev dindirilmə zamanı son iki ay ərzində Gəncə şəhərində daha 4 mağaza və 1 iaşə obyektinin qarət olunmasında təqsirkar olduğunu etiraf edib. Faktlarla bağlı cinayət işi açılıb, istintaq davam etdirilir.

kepeztv.az