Yaşlı qadına hədə-qorxu gəldilər. Onun evindən müxtəlif növ qızıl-zinət və digər əşyaları götürdülər. Amma polis onları yaxalaya bildi.

Şirvan şəhər Polis Şöbəsinin əməkdaşlarının keçirdiyi əməliyyat-axtarış tədbirləri nəticəsində Şirvan sakinləri Zahid Zahir oğlu Novruzov və əvvəllər məhkum olunan Təbriz Əlioğlan oğlu Ağayev yaxalanıblar.

Şirvan şəhər sakinləri Ağayev Təbriz Əlioğlan oğlu və Novruzov Zahid Zakir oğlu qabaqcadan əlbir olaraq bir qrup şəxslə cinayət əlaqələrinə girərək 15 yanvar 2016-cı il tarixdə Şirvan şəhər sakini Abdullayeva Leyla Əsgər qızının yaşadığı evə qanunsuz daxil olmuş, sonuncunun sağlamlığı üçün təhlükə törətmək hədəsi ilə ondan müxtəlif növ qızıl-zinət əşyaları və bir ədəd komüteri quldurluq yolu ilə ələ keçirmişdir.

Götürdükləri ilə qane olmayan oğrular son anda qoca qadının qulağındakı sırğanı da açıblar. Onlar əldə etdikləri külli miqdarda qızıl-zinət əşyalarını Bakı şəhərində müxtəlif adamlara özlərinin bildirdiklərinə görə 10 min manata satıblar. Hazırda Şirvan şəhər məhkəməsi hər iki şəxs barəsində 4 aylıq həbs-qəti imkan tədbiri seçib.

Faktla bağlı Şirvan Şəhər Polis Şöbəsində cinayət işi qaldırılıb, istintaq tədbirləri davam etdirilir.

Milli.Az