Sumqayıt polisi Novxanı bağlar massivində 10 evdən 6 oğurluq etməkdə şübhəli bilinən 2 əmioğlunu yaxalayıb. Oğurluq malı ucuz qitmətə satan qohumlar yarana biləcək şübhənin də qarşısını almağı bacarıb.

Novxanı bağlar massivində bağ evləri olan vətəndaşlar Sumqayıt şəhər polis idarəsinə müraciət edərək evlərinin qarət olunması ilə bağlı məlumat veriblər. Oğurluq hadisələrini töərtməkdə şübhəli bilinən iki əmoğlu artıq yaxalanıb. 20 yaşlı Etiram Əliyev və onun əmisi oğlu Etibar Əliyev də Novxanı bağlar massivində yaşayıblar. Etiramın sözlərinə görə, Novxanı bağlar massivində yaşadıqlarından qış fəsilində paytaxtda yaşayanları tanıyıblar. Onlar mühafizə olunmayan evlərdən oğurluq etmək qərarına gəliblər. Evlərdən əsasən kombi aparatları, televizorlar və soyuducular oğurlanıb.

Əmiuşaqları oğurluq əşyaları Ramana qəsəbəsində satıblar. Malların qiymətinin ucuz olması alıcılarda şübhə yaradanda Etibar həmin malları Dağıstandan gətirdikləri üçün ucuz satdıqlarını deməklə şübhələri yayındırıb. Faktla bağlı Sumqayıt şəhər polis idarəsində CM oğurluq maddəsi ilə cinayət işi başlanıb. Araşdırmalar davam edir.

kepeztv.az