Gəncədə usta bir müddət əvvəl təmir etdiyi mənzildən oğurluq edib. Bu işdə ustaya yaxın dostu olan iki qardaş köməklik göstərib. Ancaq onlar əldə etdikləri qəniməti bölə bilməyiblər. Polis həmin şəxsləri isti izlərlə ifşa edib.

Gəncə şəhəri Məhsəti qəsəbəsində Nüsrət Hüseynova məxsus fərdi yaşayış evində oğurluq hadisəsi baş verib. Çağırılmamış qonaqlar mənzilə gizli yolla daxil olaraq oradan xalça və məişət əşyası oğurlayıblar. Polisin keçirdiyi əməliyyat tədbirləri nəticəsində oğurluğu törətməkdə şübhəli bilinən şəhər sakinləri Sərxan və Sərvan Zeynalov qardaşları və onların dostu Emin Kazımov saxlanılıb.

Fərid Məmmədov müstəntiq - Sərxan və Sərvan Zeynalov qardaşları taanışları Emin Kazımovla birlikdə Kazımovun bir müddət əvvəl usta kimi çalışdığə Nüsrət Hüseynova məxsus mənzildən bir ədəd 550 manat dəyərində xalçanı və 500 manat dəyərində paltaryuyan maşını oğurlayıblar.

Saxlanılan hər üç şəxs əməlini etiraf edib. Sərvan Zeynalov bildirib ki oğurluq təklifi Emin Kazımovdan gəlib. Məqsədləri isə oğurluqla gəlir əldə etmək olub.

Sərvan Zeeynalov saxlanılan şəxs Emin dedi ki belə bri ev gedək oradan oğurluq edək. Bizdə maddi vəziyyətimizi yaxşılaşdırmaq üçün bu yola əl atdıq.

Faktla bağlı cinayət işi başlanılıb. İstintaq aparılır. Hazırda qardaşların və dostun bu kimi əməllərlə başqa kimlərə ziyan vurması araşdırılır.

kepeztv.az