Gəncə-Qazax bölgəsinin suvarılan, dəmyə taxıl və yonca əkin sahələrində olan gəmiricilər üzrə tədqiqat işləri aparan Azərbaycan Elmi Tədqiqat Bitki Mühafizə İnstitutunün mütəxəssisləri gəmiricilərə qarşı mübarizə tədbirləri apararkən diqqətli olmağı tövsiyə edir. Belə ki, bu canlılara qarşı mübarizə zamanı sahələrdə ümumi yuvalar müəyyən edilərək sayı dəqiqləşdirilir, sonra yuvaların üzəri örtülür və işlək yuvalar ayrılır. Həmin işlək yuvalara sink fosfid, radiumin pereparatlarından istifadə etməklə buğda dənindən aldadıcı yemlər hazırlanır. Hazırlanan yemlər işlək yuvalara yerləşdirilir, üzəri isə 2-3 gündən sonra örtülür. 5 gündən sonra yoxlamalar zamanı açılan yuvaların sayına görə aparılan mübarizə tədbirlərinin bioloji səmərəsi - məhv olan gəmiricilərin sayı təyin edilir. Diqqət yetirilməli olan əsas məqam isə qarışıq hazırlanan zaman buğdanın öncədən qovrulmasıdır.

kepeztv.az