Komitə dəhşətli bahalığı təsdiqlədi: ət, toyuq, yumurta da qalxdı”

İlham Əliyev Slovakiya Milli Şurası sədrinin başçılıq etdiyi nümayəndə heyətini qəbul edib

İlham Əliyev “Zangilan City Park Hotel”in təməlini qoydu - Fotolar

“Bir dənə güllə atsaq, onların dabanları parlayacaq” - Prezident

“Azərbaycana nifrət edənlər hakimiyyətə gəlsə, Ermənistan xalqının başı dərddə olacaq”

İlham Əliyev: "Əminəm ki, Onun ruhu şaddır, çünki bugünkü Azərbaycan Onun əsəridir"

İlham Əliyev: Cəbrayılın Azərbaycan üçün böyük töhfəsi olacaq

İlham Əliyev Cəbrayıl rayonunun Şükürbəyli kəndinin açılışında iştirak edib

İlham Əliyev və Mehriban Əliyeva Fəxri xiyabanda Ulu Öndər Heydər Əliyevin məzarını ziyarət ediblər

Komitə dəhşətli bahalığı təsdiqlədi: ət, toyuq, yumurta da qalxdı” - Təcili

Iqtisadiyyat

Oxunub: 13 481

25 yan 2017 | 19:58

Bahalaşma barədə detallı yazdığımız səhih informasiyalar təsdiqini tapır. Dövlət Statistika Komitəsi ölkəni bürüyən qiymət artımının tam rəqəmlərini açıqlayıb

Bu statistik məlumata keçməzdən qabaq Politika.Az olaraq bildirək ki, artıq ət, toyuq, kənd yumurtasının qiymətində artım qeydə alınıb.

Hazırda sümüklü ət 9, 80 manat, sümüksüz ət 12, 20 manat, toyuq 5, 50 manat civarında, kənd yumurtası isə 30 qəpikdən ucuz deyil.

Bu isə ölkədə yoxsullaşmanı daha da artıracaq, evinə ət və toyuq almaq istəyənlərin sayını kəskin şəkildə azaldacaq. Ölkədə durmadan bahalaşma davam edir. Ölkəyə idxal olunan məhsulların qiymətində artım daha fantastik müşahidə olunur.

Mağaza sahiblərinə qeyri-rəsmi tapşırıq gəlib. Onlara göstəriş verilib ki, qiymət artımı sakit və mərhələli şəkildə həyata keçirilsin. Bununla da əhalidə panika və ajiotaj yaranmasın. Nəticə etibarı ilə istehlakçı hər gün mağazaya daxil olanda yeni tariflərlə qarşılaşır.

Politika.Az xəbər verir ki, son bir ildə qida məhsullarının istehsalçı qiymətləri, orta hesabla, 31,6 faiz, içkilərin qiyməti isə 27,5 faiz bahalaşıb.

Məlumatı Dövlət Statistika Komitəsi (DSK) yayıb. Siqaret istehsalçıları qiymətə daha çox «əl gəzdiriblər» – 69,5 faiz.

Geyim istehsalçıları il ərzində qiymətləri 11,3 faiz qaldırıblar. Toxuculuq sənayesi müəssisələrində buraxılan məhsulların orta qiymət artımı 13,1 faiz olub. Neft emalı məhsullarının zavod qiyməti 9,7 faiz artırılıb.

Ötən il rezin və plastik kütlədən məmulat buraxan müəssisələr qiymətləri 15,1 faiz, kimya məhsulları istehsalçıları 35,8 faiz, metallurgiya zavodları isə 28 faiz qaldırıblar.

Ötən ilin mayında Azərbaycanda suyun və kanalizasiya xidmətlərinin, dekabrda isə elektrik enerjisinin və təbii qazın tarifləri artırılıb.

DSK-ya görə, su təchizatı və kanalizasiya tarifləri, orta hesabla, 5,1 faiz, elektrik enerjisi və qazın qiyməti 9,3 faiz bahalaşıb. Halbuki əhali üçün su və kanalizasiya tarifi 1 kubmetrə görə 36 qəpikdən 50 qəpiyə (38,8 faiz) yüksəldilib.

Digər istehlakçılar üçün kanalizasiya tarifi 3 dəfədən çox (30 qəpikdən 1 manata) qaldırılıb. Sadəcə, sudan xammal kimi yararlananlar 1 kubmetrə görə 12 manat deyil, 8 manat ödəyirlər.

Elektrik enerjisinin tarifləri iyul ayında 6 qəpikdən 7 qəpiyə, dekabrda isə 11 qəpiyə qaldırıldı. Təbii qazın 2 dəfə qaldırılan qiyməti digər istehlakçılar üçün (əhalidən başqa) dekabrdan ayından qüvvəyə minib.

DSK ötən il kağız və karton zavodlarının, mebel fabriklərinin qiymətlərə toxunmadığını, daş, qum və çınqıl istehsalçılarının isə qiymətləri 1,5 faiz ucuzlaşdırdığını müəyyənləşdirib.