Topaz Premyer Liqasının VIII turu çərçivəsində baş tutan “Rəvan” - “Kəpəz” oyununu (0:2) izləyənlər arasında Gəncə klubunun Müşahidə Şurasının sədri Elmir Vəliyev də olub. Futbolxeber.az-a klubun mətbuat xidmətindən verilən məlumata görə, matçdan sonra futbolçuların soyunub geyinmə-otağına baş çəkən Müşahidə Şurasının sədri komandanın layiq olduğu qələbəni qazandığını deyərək, futbolçuları və məşqçilər korpusunu təbrik edib.

Elmir Vəliyev havanın soyuq və yağışlı olmasına baxmayaraq 90 dəqiqə ərzində dayanmadan “Kəpəz”i dəstəkləyən azarkeşlərə də minnətdarlıq edib.

Görüşün sonunda Elmir Vəliyev qarşıdakı oyunlarda da kluba uğurlar arzulayıb.

Qeyd edək ki, Vəliyev matçı “Kəpəz”in Müşahidə Şurasının digər üzvü Mikayıl Nərimanoğlu və icraçı direktor Mehman Allahverdiyevlə birgə izləyib.

http://www.futbolxeber.az/