Argentinanın “River Pleyt” klubu Libertadores Kubokunun final oyunun revanşının Madriddə keçirilməsinə etiraz edib.
Xaric KİV xəbər verir ki, klub bu vəziyyətin ev sahibi avantajına qarşı olduğunu və bilet alan azarkeşlərə qarşı hörmətsizlik kimi qiymətləndirib.

Qeyd edək ki, “River Pleyt” azarkeşlərinin “Boka Xuniors” futbolçularını daşıyan avtobusa hücumundan sonra oyun 1 gün təxirə salınıb. Daha sonra rəqib komandanın etirazından sonra matç daha 1 gün təxirə salınıb. Sonda qarşılaşmanın dekabrın 9-u “Real Madrid”in stadionu “Santyaqo Bernabeu”da keçirilməsinə qərar verilib.
Xatırladaq ki, tərəflər arasında keçirilən ilk oyun 2-2 hesab ilə başa çatıb.