FİFA prezidenti Canni İnfantino AFFA-nın Məşqçilər Komitəsinin üzvü, müxtəlif komandalarda məşqçi və baş məşqçi vəzifəsində çalışmış Böyükağa Hacıyevin vəfatı ilə əlaqədar başsağlığı verib.
Ali futbol qurumunun rəhbəri Azərbaycan Futbol Federasiyaları Assosiasiyasının prezidenti Rövnəq Abdullayevə başsağlığı məktubu ünvanlayıb.

Məktubda deyilir:
“Böyükağa Hacıyevin xatirəsinə
Cənab prezident,
Azərbaycan milli yığmasının, “Neftçi” və “Bakı” futbol klublarının keçmiş baş məşqçisi Böyükağa Hacıyevin ölümü ilə bağlı başsağlığımızı qəbul edin”.
Qeyd edək ki, məşqçi Hacıyev 16 mart tarixində dünyasını dəyişib.