Gecə saatlarında Gəndov-Yalama yolunun 31-ci km-də, Xaçmaz rayonunun Müzəffəroba kəndi ərazisindən ağır yol nəqliyyat hadisəsi baş verib. 1988-ci il təvəllüdlü Xaçmaz rayon sakini Nüsrətov Ruslan Xanəhməd oğlunun idarə etdiyi 10 GD 313 dövlət nömrə nişanlı “KİA” markalı avtomobil qarşıdan gələn 1985-ci il təvəllüdlü Xaçmaz rayonunun Şərif-oba kənd sakini Zeynalov Şıxbala İslam oğlunun idarə etdiyi 27 BF 054 nömrə nişanlı “Vaz 21 06” markalı nəqliyyat vasitəsilə toqquşub.
Toqquşmadan sonra idarəetmədən çıxan “Vaz 21 06” markalı avtomobil qarşı zolaqda hərəkət edən 1992-ci il təvəllüdlü Xaçmaz rayon sakini Şükürov Rövşən Şahbala oğlunun idarə etdiyi 27 BN 917 dövlət nömrə nişanlı “Vaz 21 093” markalı nəqliyyat vasitəsinə çırpılıb.

Nəticədə “Vaz 21 06”-nın sürücüsü Şıxbala Zeynalov və sərnişini 1989-cu il təvəllüdlü Xaçmaz rayon Uzun oba kend sakini Cavadov Elvin Elsevər oğlu dünyasını dəyişib. Hadisə zamanı Xaçmaz rayon Baraxum kend sakini 1988-ci il təvəllüdlü Orucov Vüsal Məhəmməd oğlu ve Xacmaz rayon sakini 1988-ci il təvəllüdlü Nüsrətov Ruslan Xanəhməd oğlu, 1993-cü il təvəllüdlü Zamanov Nadir Allahverdi oğlu, 1992-ci il təvəllüdlü Əhədov Rəhman Azad oğlu və 1992-ci il təvəllüdlü Əskərov Ehtiram Etibar oğlu müxtəlif dərəcəli xəsarətlər alaraq Xaçmaz Mərkəzi Rayon Xəstəxanasına yerləşdirilib.

Dövlət Yol Polisi bölməsinin baş müstəntiqi Elşən Mürsəliyevdən aldığımız məlumata görə, hadisə, "KİA" avtomobilin ötmə əməliyyatının düzgün həyata keçiriliməməsi səbəbindən baş verib. Fakla bağlı araşdırmalar davam edir.