Zaqatalada məsuliyyətsizlik bir körpənin həyatına son qoyub. 7 aylıq Ruqiyyə Məmmədovanın yemək istədiyi nar dənəsi onun tənəffüs borusuna düşüb. Bunu görən valideynləri Ruqiyyəni dərhal Zaqatala Rayon Mərkəzi Xəstəxanasına aparıblar. Ancaq burada həkimlər körpəyə kömək edə bilməyəcəklərini və onun Şəki RMX-a aparılmasını tövsiyyə ediblər.
Çarəsiz qalan valideynlər körpəni Şəkiyə aparıblar. Ancaq Şəkidə də həkimlər uşağı xilas edə bilməyib və onun təcili Bakıya aparılmasını tövsiyyə ediblər. Ancaq uşaq yolda dünyasını dəyişib.
Körpənin dayısı Nurulla Muradovun APA-ya verdiyi məlumatına görə, oktyabrın 20-də günorta saatlarında bacısı qızı Ruqiyyə Məmmədova yaşadığı evdə yediyi nar giləsi onun tənəffüs borusuna düşüb. Valideynləri körpəni Zaqatala Mərkəzi Rayon Xəstəxanasına aparsalar da, onlara uşağı Şəki MRX-a aparmağı məsləhət görüblər. Dayısının sözlərinə görə, Zaqatala MRX-dan onlara heç bir həkim və təcili yardım maşını verilməyib. Uşaq həkim nəzarəti olmadan Şəki MRX-a aparıblar. Orada isə artıq körpəyə kömək edə bilməyəcəklərini deyiblər və Bakıya çatdırılması məsləhət görülüb. Körpə Bakıya gətirilərkən yolda keçinib.