Sosial şəbəkələrdə qırıcının dənizə düşməsinin görüntüləri yayılıb.
"Ölkə.Az" xəbər verir ki, bəzi istifadəçilər sözügedən videonun mərhum pilot Rəşad Atakişiyevin idarə etdiyi MİQ-29 təyyarəsi olduğuna dair şərhlər yazıblar. Ancaq videoya diqqətlə baxanda bunun başqa bir təyyarə olduğu aydın hiss edilir. Çünki videonu çəkən şəxsin əcnəbi dildə danışması da bunu deməyə yetərincə əsas verir.

Qeyd edək ki, iyulun 24-də plana uyğun olaraq gecə vaxtı təlim-məşq uçuşları keçirən Hərbi Hava Qüvvələrinin MiQ-29 təyyarəsi ilə qəflətən rabitə əlaqəsi kəsilib və aviasiya vasitəsi radarlardan itib.
Avqustun 20-da polkovnik-leytenant Rəşad Atakişiyevin nəşi tapılıb. O, İkinci Fəxri Xiyabanda dəfn edilib.