Fərhad Əliyev yola getmədiyi oliqarx-nazirlərin hədəfində

AQEM-in 7-ci Zirvə Toplantısı keçirilir - Fotolar - Yenilənir

Gürcüstanla sərhədin delimitasiyası və demarkasiyası üzrə Dövlət Komissiyasının - Yeni tərkibi

İlham Əliyev Vladimir Putin və Sərdar Berdiməhəmmədovla görüşdü - FOTO

İlham Əliyev MDB Dövlət Başçıları Şurasının iclasında çıxış edir - YENİLƏNDİ

Türkmənbaşı şəhərində sənədlərin imzalanması mərasimi oldu

İlham Əliyev "Avaza" Kompleksində

Azərbaycan Prezidenti yeni səfiri qəbul etdi - FOTOLAR

İlham Əliyev dərman istehsalı müəssisəsinin açılışında - FOTOLAR

Fərhad Əliyev yola getmədiyi oliqarx-nazirlərin hədəfində - Şok detallar

Hadise

Oxunub: 939

15 may 2017 | 09:51

Fərhad Əliyev yola getmədiyi oliqarx-nazirlərin hədəfində - Şok detallar

Azərbaycanın keçmiş iqtisadi inkişaf naziri, 2005-ci ildə həbs olunan və 8 il sonra əfvlə azadlığa çıxan Fərhad Əliyev Sumqayıt Kimya Sənaye Parkının rezidenti olan “Alco Lubricant Company” şirkətinin sahibidir...

Keçmiş nazir Bakıya dönüb və işinin başına keçib. Onun ölkəmizdə fəaliyyətinə şərait yaradılması üçün Ərdoğanın Azərbaycan prezidentindən xahiş etdiyi xəbərləri var.

Lakin eks-nazir vəzifədə olduğu dövrdə özünə çoxlu düşmənlər qazanmışdı. Onların F.Əliyevə münasibətinin dəyişib-dəyişmədiyi bəlli deyil.

Çünki bəzi nazirlər keçmiş həmkarları ilə elə o dönəmdən yola getmirdilər. Nəzərə almaq lazımdır ki, həmin nazirlərin F.Əliyevlə maraqları məhz merkantil müstəvidə toqquşurdu.

Zavodun investisiya dəyəri 10 milyon manatdır və orada ildə 30 min ton sürtkü yağı istehsal etməsi nəzərdə tutulur.

Şirkət 2016-cı il mayın 5-də yaradılıb, bundan 45 gün sonra Sumqayıt Kimya Sənaye Parkının rezidenti statusu verilib və investisiya təşviqi sənədi ilə təmin edilib.

Bu sənədə görə, şirkət əmlak və torpaq vergisindən tam, mənfəət vergisindən əlli faiz azad olunub.

Bundan əlavə şirkət xaricdən gətirəcəyi avadanlıq və istehsal təyinatlı texnologiyalara görə gömrük vergisindən də tam azad olunub. Zavodun bu ilin ikinci yarısında fəaliyyətə başlaması planlaşdırılır.

Ulus.Az-ın xəbərinə görə, keçmiş nazirin həbsində və “vurulmasında” vaxtilə bəzi nazirlərin rolu olmuşdu.

Onların monopoliya maraqları və inhisarçılıq siyasətinə zidd fəaliyyət göstərmiş F.Əliyev tez bir zamanda “akula”ların qurbanına çevrildi. Sabiq nazir siyasi və iqtisadi hakimiyyətin kluarlarında rəqiblərinə qarşı tab gətirə bilməmişdi.

İndi həmin nazirlərin onunla yola gedib-getməyəcəyi qeyri-müəyyəndir. Fakt isə budur ki, onun Bakıya gəlişi və zavodunun işə başlaması, ölkə rəhbərliyi tərəfindən “yaşıl” işıq yandırılması bəzi nazirlərin ürəyincə deyil.

Belə görünür ki, Fərhad Əliyev əfv olunandan sonra vaxtilə yığdığı kapitalın da reabilitasiyası üçün siyasi razılıq alıb.

Məlumdur ki, Əliyev qardaşları hələ 90-cı illərin əvvəllərindən Moldova bizneslə məşğul olublar, daha sonra Azərbaycanda öz bizneslərini inkişaf etdiriblər.

Fərhad Əliyevin nazir təyin olunması Əliyev qardaşlarının biznes imperiyasının daha da böyüməsinə şərait yaradıb. Lakin Fərhad Əliyev həbs olunandan sonra onların akivlərinin bir çoxu əllərindən alınmışdı.

Bununla belə şübhə yox idi ki, biznes işlərində və çirkli pulların leqallaşdırılmasında kifayət qədər məharət sahibi olan Əliyev qardaşları hansısa offşor zonalarda kapitallarının bir qismini gizlədə biliblər.

Və Fərhad Əliyev və qardaşı, “Azpetrol”un keçmiş rəhbəri Rafiq Əliyev həbsdən buraxılandan sonra həmin kapitalı xarici ölkələrə yatırmağa başlamışdılar.

İndi isə Əliyev qardaşlarına şərait yaradılıb və təminat verilib ki, kapitallarını Azərbaycanda da leqallaşdırsınlar, investisiya yatırsınlar.