Milyonluq biznes sahələri MTN generalları arasında necə bölüşdürülmüşdü?

AQEM-in 7-ci Zirvə Toplantısı keçirilir - Fotolar - Yenilənir

Gürcüstanla sərhədin delimitasiyası və demarkasiyası üzrə Dövlət Komissiyasının - Yeni tərkibi

İlham Əliyev Vladimir Putin və Sərdar Berdiməhəmmədovla görüşdü - FOTO

İlham Əliyev MDB Dövlət Başçıları Şurasının iclasında çıxış edir - YENİLƏNDİ

Türkmənbaşı şəhərində sənədlərin imzalanması mərasimi oldu

İlham Əliyev "Avaza" Kompleksində

Azərbaycan Prezidenti yeni səfiri qəbul etdi - FOTOLAR

İlham Əliyev dərman istehsalı müəssisəsinin açılışında - FOTOLAR

Milyonluq biznes sahələri MTN generalları arasında necə bölüşdürülmüşdü? - ADLAR VƏ GƏLİRLƏR

Hadise

Oxunub: 879

19 fev 2017 | 06:00

Ləğv olunmuş Milli Təhlükəsizlik Nazirliyinin əməkdaşları barəsində tərtib edilmiş cinayət işlərindən məlum olur ki, ölkədə biznesin müxtəlif sahələrinə ayrı-ayrı generallar nəzarət edib.

Lent.az-ın məlumatına görə, nazirliyin vəzifəli şəxsləri barəsində başladılan və hazırda məhkəmə araşdırılan cinayət işləri əsasında məlum olub ki, nazirlikdə biznesin müxtəlif sahələri qeyri-rəsmi şəkildə bölüşdürülüb.

Belə ki, nazirliyin Energetika və Nəqliyyat Sahələrində Təhlükəsizlik Baş İdarəsinin rəisi olmuş Akif Çovdarov barəsində hazırlanmış ittiham aktında qeyd olunanlara görə, Çovdarov əsasən tikinti sahəsinə nəzarət edib və bu işlə məşğul olan biznesmenlərə "çöküb”. Cinayət işlərinə əsasən onu da demək olar ki, A.Çovdarov digər generallarla müqayisədə daha böyük və pullu işləri nəzarətində saxlayıb. Buna misal kimi, Metropoliten sabiq rəisi Tağı Əhmədovdan pul tələb olunması epizodunu göstərmək olar.

Təsadüfi deyil ki, Çovdarovun zərərçəkmişləri arasında inşaat sektorunda fəaliyyət göstərən MTK rəhbərləri çoxluq təşkil edir: "Şahbulaq” MTK-nın sədri Nəsib Əliyev, "Real MTK”nın təsisçisi və rəhbəri İlham Qasımov, "Azərtikinti-ATF” MMC-in rəhbəri Azər Quliyev buna nümunədir. İşdə o da qeyd edilir ki, Çovdarov və birlikdə ittiham edildiyi şəxslər bu işlərdən 40 milyon manatdan çox qanunsuz gəlir əldə edib.

Ölkədə qiymətli daş-qaşların biznesi ilə məşğul olan iş adamlarına nəzarət və onların soyulması ilə isə digər bir MTN generalı - Sübahir Qurbanovdur.

Sabiq MTN rəsmisinin ittiham aktından məlum olur ki, o, Eldar Mahmudovun şifahi göstərişi ilə ölkəyə brilyant daş-qaş, qızıl və digər zinət məmulatlarının idxalı sahəsində inhisarçılığın yaradılması prosesini başladıb. Bu iş nazirliyin Transmilli İqtisadi Cinayətkarlığa Qarşı Mübarizə Baş İdarəsinin sabiq rəisi Sübahir Qurbanova tapşırılıb. O da öz növbəsində bu işlə məşğul olacaq dəstə yaradıb. Həmin dəstəyə polkovnik Füzuli Əliyevi başçı təyin edilib.

Sübahir Qurbanovun işində isə iş adamlarından qanunsuz yolla ələ keçirilmiş məbləğ 40 milyon manatdan çoxdur.

MTN daha bir dəstə isə banklara nəzarət edib. Bu iş nazirlikdə MTN-nin İstintaq Baş İdarəsinin rəisi olmuş general Mövlam Şıxəliyevə tapşırılıb. Mövlan Şıxəliyev isə özünün işçisi olmuş Vüsal Ələkbərovun əli ilə tapşırıqları həyata keçirib. Bu dəstə əsasən banklarda çox pulu olan şəxslərə, sahibkarlara qənim kəsilib.

Ləğv edilən MTN-in İstintaq Baş İdarəsi 2-ci istintaq şöbəsinin rəisi, polkovnik-leytenant Vüsal Ələkbərovun cinayət işi üzrə ittiham aktından məlum olur ki, qurban seçilən sahibkarlar MTN-ə çağırılaraq banklardakı pulları haqqında soruşulub, müxtəlif bəhanələr və hədə-qorxu gəlinərək külli miqdarda pulları alınıb.

Hər 3 dəstəsinin işində qanunsuz dinləmələri isə MTN-in Monitorinq Mərkəzinin rəhbəri general Teymur Quliyev həyata keçirib. Belə ki, Teymur Quliyev öz ifadəsində bildirib ki, bütün dinləmələri Eldar Mahmudovun tapşırığı və imzası olan sənədlər əsasında həyata keçirib.

Qeyd edək ki, adı çəkilən generallardan yalnız Mövlam Şixaliyev azadlıqdadır. Bir müddət əvvəl qafqazinfo.az saytı məlumat yayaraq onun da barəsində cinayət işinin açıldığını, hazırda icraatda olduğunu bildirmişdi