Akif Çovdarovun oğluna sosial şəbəkədə hücum başlandı

AQEM-in 7-ci Zirvə Toplantısı keçirilir - Fotolar - Yenilənir

Gürcüstanla sərhədin delimitasiyası və demarkasiyası üzrə Dövlət Komissiyasının - Yeni tərkibi

İlham Əliyev Vladimir Putin və Sərdar Berdiməhəmmədovla görüşdü - FOTO

İlham Əliyev MDB Dövlət Başçıları Şurasının iclasında çıxış edir - YENİLƏNDİ

Türkmənbaşı şəhərində sənədlərin imzalanması mərasimi oldu

İlham Əliyev "Avaza" Kompleksində

Azərbaycan Prezidenti yeni səfiri qəbul etdi - FOTOLAR

İlham Əliyev dərman istehsalı müəssisəsinin açılışında - FOTOLAR

Akif Çovdarovun oğluna sosial şəbəkədə hücum başlandı - FOTO

Hadise

Oxunub: 915

20 yan 2017 | 17:01

Tair Tairov: "Atan dedi ki, ya 1 milyon dollar gətir, ya bu heroinlə tapança sənindi...”; Ruslan Çovdarov: "Nə zibilin var ki, sənin başına torba keçiriblər? Toyda bir-birinə heroin satanda MTN neynəməlidi?”

Fəaliyyəti ləğv edilmiş MTN-in generalı Akif Çovdarovun oğlu Ruslan Çovdarovun sosial paylaşımları ciddi müzakirə mövzusudur.

Musavat.com xəbər verir ki, R.Çovdarov atasının məhkəməsindən hazırlanan reportaj materialını paylaşaraq, MTN generalının üzünə duran şəxsləri tənqid edib. Bu paylaşımın altında isə çox maraqlı bir şərh-cavab paylaşılıb.

Tair Tairov adlı profil sahibi aşağıdakıları yazaraq general oğlu ilə polemikaya girib: "Çovdarov toydan adamların başına maska keçirib tutur və deyir ki, bəs sən evi dollarla satmısan. Ona görə mənə 500 min dollar ver. Kişilik budu? Terroristdi bəyəm Bakıda hamı? Hamının başına qara maska keçirib ki, vahimə yaratsın. Yetənə deyib ki, "daluva dubinka soxaram”. Kişinin dalına dubinka soxmaq kişilikdi? Bunun adı başqadı. Çovdarov ən kişiyə yaraşmayan işlərlə məşğul olub. Hər şey də sübutdu. Sübutdan əlavə, bunu bilməyən yoxdu. Onun cəzası 15 ildi. Allah eləsin ki, elə türmədə də ölsün. Ruslan, qurban olum Allaha. Əgər Akif Çovdarov deyilənləri etməyib, hamı kimi sadəcə rüşvət alıbsa, Allah onun da balalarının da köməyi olsun, qapısını açsın. Yox, əgər eləyibsə, onda Allah onun da, onun alçaq hərəkətindən bəhrələnin də bəlasını versin. Bil! Şəxsən mənim başıma küçədə getdiyim yerdə maska keçirib MTN-ə onun yanına aparıblar. Deyib ki, xaricdə tikinti ilə məşğul olursan. Ya 1 milyon dollar gətir, ya bu heroinlə tapança sənindi. 500 min dollar verib canımı qurtarmışam. Şikayət etməmişəm. Çünki onun şefi kişilik elədi. 1 milyondan 500 minə endirdi”.

R.Çovdarovun ona cavabı isə gecikməyib. General oğlu da öz arqumentləri ilə onu haqsız danışmaqda suçlayıb: "Sən hansı kişilikdən danışırsan? Saxta profilnən oturub arvad kimi qarğış eləmək kişilikdi? Sən bir qəpik pul verəsən adama, gedib şikayət eləmiyəsən? Birincisi, sən idin indi üzə duran. Kişiliyin var şəklin olan profilnən yaz görək bir kimsən, nə zibilin var ki, sənin başına torba keçiriblər? Toyda bir-birinə heroin satanda MTN neynəməlidi? Bu gün toydu deyə bağışlamalıdı? Narkotik satanı tutmamalıdı? Bildi bilmədi danışır hamı”.

T.Tairov isə geri çəkilməyib və aşağıdakıları yazıb: "Mən Eldar Mahmudovun dostuyam. Ona görə şikayət etməyəcəm. O 500 mini də Akif əl çəkmədi deyə verdim. Prigovordan (hökmdən-musavat.com) sonra biləcəksən”.