Azerinfo.az-ın redaksiyasına Sabirabad rayonundan adının çəkilməsini istəməyən şəxs zəng edərək polisin rüşvət istəməsi haqda məlumat verib.
Beləki, Sabirabad rayonu Nizami kəndində bir mütəşəkkil dəstə tərəfindən bir neçə oğurluq hadisəsi baş verib. Dəstə üzvləri ev quşlarının oğurluğuyla məşğul olub, bir neçə yerdən oğurluq ediblər. Axtarış nəticəsində dəstənin iki üzvü həbs edilib. Zəng edən şəxsin bildirdiyinə görə Sabirabad rayon polis şöbəsində həmin tutulan iki nəfərdən 9 min manat rüşvət tələb edilib və bildirilib ki, həmin məbləğin müqabilində onlar məsuliyyətdən azad ediləcəklər.
Polisin oğrudan törətdiyi cinayət müqabilində pul tələb etməsini necə başa düşmək olar? Belə çıxır ki, oğru tələb olunan məbləği verib yenidən oğurluq edə bilər?

Məsələylə bağlı qarşı tərəfin də fikirlərini işıqlandırmağa hazırıq.