Hamımızın gördüyü kimi Kəpəz Avrokuboklara vəsiqə uğrunda böyük addımlar atır. Bildiyimiz kimi İnter UEFA tərəfindən qadağaya məruz qaldığı üçün, Zirə isə yüksək liqada ilk dəfə çıxış etdiyi üçün 2016-17 mövsümündə Avroliqada çıxış edə bilməz. Bu isə onsuzda yüksək olan şanslarımızı daha da artırır. Amma təəssüf ki, Avroliqaya qatıldılığımız halda Kəpəz ev oyunlarını Bakıda keçirmək məcburiyyətində qalacaq. Çünki stadionumuzun hazırkı vəziyyəti standartların qat-qat altındadır. Dünənki oyunda və həmçinin bundan əvvəlki oyunlardada CBC Sport şərhçiləridə bu məqama dəfələrlə toxunublar. Əslində bu mövzunu əsas gündəmə gətirə bilsək, bu işlə bağlı ciddi təmir başlanılsa, yaya kimi stadionu UEFA'nın tələblərinə uyğun vəziyyətə gətirmək olar. Necəki Bakı Olimpiya stadionu kimi böyük stadion qısa müddətdə tikilib təhvil verildi. Ölkənin ikinci böyük şəhərinin stadionunu da yaya kimi ideal vəziyyətə gətirmək bir neçə aya mümkün olar.
Hər oyun stadiona heç 1000 nəfər azarkeş yığa bilməyən komandaların stadionu, hər oyun azarkeş rekordları qıran, Kəpəzimizin stadionundan qat-qat ideal vəziyyətdədi. Belə getsə nəinki Avroliqa oyunları, həmçinin ev oyunlarını da Bakıda keçirməli olacağıq. Çünki günü-gündən stadionun vəziyyəti bərbad hala düşür. Hələki az da olsa vaxtımız var.




Bu məsələyə cavabdeh olan aidiyyatı qurumlardan "Kəpəz" klubunun azarkeşləri adından xahiş edirik ki, bizim də stadionumuz da əsaslı təmir işlərinə başlanılsın!

Göndərdi: Turan Namazov