Görəsən Binəqədi polisi "cinayetkarları" harada axtarır?

Uzun bir müddətdir ki, Bakının Binəqədi rayonunda yerləşən “İstanbul” hotelinin əxlaqsızlıq yuvası kimi fəaliyyət göstərməsinə hüquq-mühafizə orqanlarının diqqətini cəlb etmək cəhdlərimiz hələ də bir nəticə vermir. Əslində dürüst və obyektiv olsaq, bu əxlaqsızlıq yuvasının Binəqədi rayonu hüquq-mühafizə orqanlarının diqqətindən kənarda qaldığını söyləyə də bilmərik. Ən azından biz “İstanbul” hotelində müştərilərə təklif olunan intim xidmətlərin qiymət preyskurantından tutmuş, bu xidmətlər üçün cəlb olunan insan resurslarının obyektə gətirilmə sxeminə qədər bütün detalların əks olunduğu məlumatları dəfələrlə Binəqədi Rayon Polis İdarəsinə, Binəqədi Rayon Prokurorluğuna və İinsan Alverinə Qarşı Mübarizə İdarəsinə təqdim etmişik. Həmin məlumatlarda bildirilir ki, “İstanbul” restoranı qeyri-qanuni fəaliyyət göstərn obyektlərdən biridir. Mənbə bildirir ki, “İstanbul” restoranı bu gün icarə əsasında fəaliyyət göstərir. Belə ki, obyektin Samirə icarəyə verdiyi bildirilir. Məlumatlarda qeyd olunur ki, bir çox digər analoji pritonlar kimi bu restoran da müştərilərinə təklif etdiyi şübhəli “xidmətlərin” yüksək keyfiyyəti ilə seçilmir. Xidmətlərin mahiyyəti barədə yaranan şübhələr isə ciddi əsaslara malikdir. Belə ki, məlumatlara əsasən dövlət qeydiyyatına iaşə obyekti-restoran kimi alınan “İstanbul” eyni zamanda həm də motel kimi fəaliyyət göstərməkdədir. Bu fəaliyyət növü isə xüsusi lisenziya tələb edir ki, bu sənəd də “İstanbul” restoranına müvafiq qurumlar tərəfindən təqdim olunmayıb. Təbii ki, restoranın öz müştərilərinə gecələmək üçün yer təklif etməsi də burada əsas fəaliyyət növü kimi müəyyənləşdirilmiş intim xidmətlərin əlavə servisinə daxildir. Bu növ xidmətlərin isə ümumiyyətlə qeyri-qanuni olduğunu nəzərə alsaq, restorana rəhbərlik edən şəxslərin, yəni nə Qədirin, nə də Samirin motel lisenziyası üçün nəyə görə əl-ayağa düşmədiklərini anlamaq olar.Lakin bütün bu informasiya bolluğuna və hər kəsin gözü önündə baş verən aşkar qanun pozuntularına baxmayaraq, problem hələ də öz həllini tapmamışdır. Buna səbəb isə Binəqədi RPİ rəhbərliyinin “İstanbul” hotelinə “xüsusi” münasibət göstərməsi olub. Daha doğrusu Binəqədi RPİ-nin keçmiş rəhbərliyinin...Məlum olduğu kimi inisil Daxili İşlər naziri, general-polkovnik Ramil Usubovun əmri ilə Binəqədi rayon Polis İdarəsinin rəisi, polkovnik Ağalar Məhərrəmov tutduğu vəzifədən azad edilərək, Bakı şəhər Baş Polis İdarəsinin Qeydiyyat və Şəxsiyyət Vəsiqəsi Şöbəsinin rəisi vəzifəsinə təyinat alıb. Nazirin digər bir əmri ilə Abşeron rayon Polis Şöbəsinin rəisi Namiq İsmayılov Binəqədi RPİ-nin rəisi vəzifəsinə təyinat alıb.Mövzuya qayıdaraq qeyd etməliyik ki, biz dəfələrlə “İsanbul” hotelinin sahiblərinə qarşı ən sərt tədbirlərin görülməsini tələb etmişik. Bununla belə Binəqədi RPİ nədənsə bu pritonun fəaliyyəti ilə bağlı yaranmış vəziyyətə müdaxilə etmirdi. Bununla bağlı redaksiyamıza daxil olan məktublarda rayon sakinləri onları uzun müddətdən bəri narahat edən problemə Insan Alverinə Qarşı Mübarizə Baş Idarəsinin rəhbərliyinin də diqqətini cəlb etməyimizi xahiş etmişdilər. Lakin az sonra artıq bu qurumun da vəziyyətə müdaxilə imkanlarının məhdudluğu özünü büruzə verdi. “İstanbul” otelinin sahiblərinin sözlərinə görə isə, Binəqədi RPİ-nin keçmiş rəisi Ağalar Məhərrəmov fəaliyyətinə dair hətta Bakı Şəhər Baş Polis İdarəsinin rəisi Rafiq Abbasova da hesabat vermirdi. Buna görə də rayon ərazisində yerləşən priton və digər bu tip obyektlərin fəaliyyətinə müdaxilə etmək, Binəqədi RPİ-dən başqa hər hansı digər hüquq-mühafizə orqanı üçün sadəcə mümkünsüzdür... Uzun bir müddətdir ki, Bakının Binəqədi rayonunda yerləşən “İstanbul” hotelinin əxlaqsızlıq yuvası kimi fəaliyyət göstərməsinə hüquq-mühafizə orqanlarının diqqətini cəlb etmək cəhdlərimiz hələ də bir nəticə vermir. Əslində dürüst və obyektiv olsaq, bu əxlaqsızlıq yuvasının Binəqədi rayonu hüquq-mühafizə orqanlarının diqqətindən kənarda qaldığını söyləyə də bilmərik. Ən azından biz “İstanbul” hotelində müştərilərə təklif olunan intim xidmətlərin qiymət preyskurantından tutmuş, bu xidmətlər üçün cəlb olunan insan resurslarının obyektə gətirilmə sxeminə qədər bütün detalların əks olunduğu məlumatları dəfələrlə Binəqədi Rayon Polis İdarəsinə, Binəqədi Rayon Prokurorluğuna və İinsan Alverinə Qarşı Mübarizə İdarəsinə təqdim etmişik. Həmin məlumatlarda bildirilir ki, “İstanbul” restoranı qeyri-qanuni fəaliyyət göstərn obyektlərdən biridir. Mənbə bildirir ki, “İstanbul” restoranı bu gün icarə əsasında fəaliyyət göstərir. Belə ki, obyektin sahibi kimi təqdim olunan Akif adlı şəxsin restoranı öz qardaşı oğlu Samirə icarəyə verdiyi bildirilir. Məlumatlarda qeyd olunur ki, bir çox digər analoji pritonlar kimi bu restoran da müştərilərinə təklif etdiyi şübhəli “xidmətlərin” yüksək keyfiyyəti ilə seçilmir. Xidmətlərin mahiyyəti barədə yaranan şübhələr isə ciddi əsaslara malikdir. Belə ki, məlumatlara əsasən dövlət qeydiyyatına iaşə obyekti-restoran kimi alınan “İstanbul” eyni zamanda həm də motel kimi fəaliyyət göstərməkdədir. Bu fəaliyyət növü isə xüsusi lisenziya tələb edir ki, bu sənəd də “İstanbul” restoranına müvafiq qurumlar tərəfindən təqdim olunmayıb. Təbii ki, restoranın öz müştərilərinə gecələmək üçün yer təklif etməsi də burada əsas fəaliyyət növü kimi müəyyənləşdirilmiş intim xidmətlərin əlavə servisinə daxildir. Bu növ xidmətlərin isə ümumiyyətlə qeyri-qanuni olduğunu nəzərə alsaq, restorana rəhbərlik edən şəxslərin, yəni nə Akifin, nə də Samirin motel lisenziyası üçün nəyə görə əl-ayağa düşmədiklərini anlamaq olar.Lakin bütün bu informasiya bolluğuna və hər kəsin gözü önündə baş verən aşkar qanun pozuntularına baxmayaraq, problem hələ də öz həllini tapmamışdır. Buna səbəb isə Binəqədi RPİ rəhbərliyinin “İstanbul” hotelinə “xüsusi” münasibət göstərməsi olub. Daha doğrusu Binəqədi RPİ-nin keçmiş rəhbərliyinin...Məlum olduğu kimi bu yaxınlarda Daxili İşlər naziri, general-polkovnik Ramil Usubovun əmri ilə Binəqədi rayon Polis İdarəsinin rəisi, polkovnik Ağalar Məhərrəmov tutduğu vəzifədən azad edilərək, Bakı şəhər Baş Polis İdarəsinin Qeydiyyat və Şəxsiyyət Vəsiqəsi Şöbəsinin rəisi vəzifəsinə təyinat alıb. Nazirin digər bir əmri ilə Abşeron rayon Polis Şöbəsinin rəisi Namiq İsmayılov Binəqədi RPİ-nin rəisi vəzifəsinə təyinat alıb.Mövzuya qayıdaraq qeyd etməliyik ki, qəzetimizin səhifələrində biz dəfələrlə “İsanbul” hotelinin sahiblərinə qarşı ən sərt tədbirlərin görülməsini tələb etmişik. Bununla belə Binəqədi RPİ nədənsə bu pritonun fəaliyyəti ilə bağlı yaranmış vəziyyətə müdaxilə etmirdi. Bununla bağlı redaksiyamıza daxil olan məktublarda rayon sakinləri onları uzun müddətdən bəri narahat edən problemə Insan Alverinə Qarşı Mübarizə Baş Idarəsinin rəhbərliyinin də diqqətini cəlb etməyimizi xahiş etmişdilər. Lakin az sonra artıq bu qurumun da vəziyyətə müdaxilə imkanlarının məhdudluğu özünü büruzə verdi. “İstanbul” otelinin sahiblərinin sözlərinə görə isə, Binəqədi RPİ-nin keçmiş rəisi Ağalar Məhərrəmov fəaliyyətinə dair hətta Bakı Şəhər Baş Polis İdarəsinin rəisi Rafiq Abbasova da hesabat vermirdi. Buna görə də rayon ərazisində yerləşən priton və digər bu tip obyektlərin fəaliyyətinə müdaxilə etmək, Binəqədi RPİ-dən başqa hər hansı digər hüquq-mühafizə orqanı üçün sadəcə mümkünsüzdür..Biz məsələnin həllinə yenə ümidvarıq. İnanmaq istərik ki, cənab Namiq İsmayılov bu məsələyə həssaslıqla yanaşacaq və Binəqədi sakinlərinin illərdən bəri ciddi narahatlığına səbəb olan bu problem nəhayət ki, öz həllini tapacaq.Ən azından rəisin əxlaqsızlıq yuvalarına qarşı ciddi mübarizə apardığının biz Abşeron rayonunda işləyən zaman şahidi olmuşuq. Yaşayarıq görərik...


Mövzuya qayıdacağıq.