Yazıb diqqətinizə onu çatdırmaq istəyirik ki, bir neçə gün bundan əvvəl redaksiyamıza Yevlax şəhəri Ü.Hacıbəyov küçəsi ev-45 ünvanında yaşayan, 2-ci qrup əlil Əliyeva Nigar Əbdüləli qızının ünvanladığı şikayət ərizəsi daxil olmuşdur. O, yazdığı şikayət ərizəsində bildirir ki, “mən 15 dekabr 2015-ci il tarixdə daxili orqanımda əmələ gələn şiş xəstəliyi ilə bağlı, Yevlax şəhər Mərkəzi Xəstəxanasının həkimi Elmir Qədimova müraciət etdikdə, o, əməliyyat edəcəyi təqdirdə məndən 300 manat pul alacağını bildirdi. İmkansız olduğumu söyləsəm də, yəni 300 manatı verə bilməyəcəyimi bildirdikdə, o, mənim durumumu nəzərə almadı. Son anda məcbur olub, Elmir həkimin istədiyi 300 manatı güc-bəla ilə birtəhər düzəldib, 16 dekabr 2015-ci il tarixdə ona çatdırdım”.

Sözsüz ki, yaşanan problem KİV nümayəndəsi olaraq bizim də nəzər-diqqətimizi cəlb etdiyindən, son anda məcbur olduq ki, bu yöndə tənqidi açıqlama dərc edək və baş verənləri geniş ictimaiyyətin diqqətinə də çatdıraq. 2-ci qrup əlil Əliyeva Nigar Əbdüləli qızının redaksiyamıza ünvanladığı şikayət ərizəsini əsas tutaraq, 28 yanvar 2016-cı il tarixdə Azerinfo.az saytında “Yevlax şəhər Mərkəzi Xəstəxanası soyğunçuluq ünvanıdır” başlıqlı tənqidi açıqlama dərc etmişik.

Elə bu səbəbdən də, dərc etdiyimiz açıqlamada sadalanan faktlara aydınlıq gətirilməsi, həmçinin informasiya mərkəzimizin də məlumatlandırılmasını təmin etmək üçün, tabeçiliyinizdə olan şəxslərə müvafiq tapşırıqlar verməyinizi Sizdən xahiş edirik.

Göstərəcəyiniz diqqətə görə əvvəlcədən minnətdarlığımızı bildirirk.