Var “Oqtay Eloğlu”, var Oqtay Şahmurov - VİDEO+FOTOLAR

Bakı “soyuq müharibə”dən çəkinmir: Azərbaycanı hədəf alan dövlətlərə sərt xəbərdarlıq edilib

Prezident İlham Əliyevin Almaniyaya işgüzar səfəri başa çatıb - FOTO

İlham Əliyev və Olaf Şolts mətbuat konfransı keçirirlər

Azərbaycan və Almaniya liderlərinin təkbətək görüşü başa çatıb - YENİLƏNİB

Prezident niyə Berlinə Füzulidən uçdu? - 3 MESAJ

İlham Əliyev Qırğızıstan prezidentinə Qarabağ atı hədiyyə etdi - FOTO

Azərbaycan və Qırğızıstan prezidentləri Füzulinin Baş planı ilə tanış olublar - YENİLƏNİB

Azərbaycan və Qırğızıstan prezidentlərinin məhdud tərkibdə görüşü olub - YENİLƏNİB

Var “Oqtay Eloğlu”, var Oqtay Şahmurov - VİDEO+FOTOLAR

Gundem / Sosial / Maraqli / Video

Oxunub: 2 340

27 noy 2023 | 23:16

Görkəmli dramaturq Cəfər Cabbarlının “Oqtay Eloğlu” əsəri işıq üzü görəndən, səhnələşdiriləndən sonra çox azərbaycanlı ailəsi yeni doğulan oğlan uşağının adını “Oqtay” qoydular. Amma o övladlar böyüyüb boya-başa çatandan sonra sözün həqiqi mənasında El Oğlu olmaq heç də hamısına qisməıt olmadı. Ola da bilməzdi, çətin məsələdir. Amma heç olmasa, adlarında ehtiva olunan mənanı dərk edib el düşməni olmaqdan, vətənin, dövlət və xalqın əmlakının qəsb edilməsinə rəvac verməkdən barı çəkinəydilər.
Ekologiya və Təbii Sərvətlər Nazirliyinin (ETSN) 9 saylı Ağcabədi Regional Ekologiya və Təbii Sərvətlər İdarəsi (RETSİ) Ağcabədi, Bərdə, Ağdam, Tərtər, Beyləqan, Xocavənd, Xankəndi şəhəri, Füzuli, Şuşa şəhəri, Xocalıdan ibarət böyük bir əraziyə nəzarət etməklə vəzifələndirilib. İşğaldan yeni azad olunmuş şəhər və rayonlarımızı hələlik bir yana qoyaq, deyək ki onlara nəzarət mexanizmləri hələ yeni-yeni işə düşür. Amma gəlin görək, nəzarət mexanizmləri işlək vəziyyətdə olan rayonlarımızda vəziyyət qənaətbəxşdirmi? – Əsla yox!
Bu ərəfədə redaksiyamıza daxil olan və foto-video çəkiliş materialları ilə müşayiət olunan məlumatdan aşkar görünür ki, Bərdə dəmiryol vağzalına aid olan ərazidə bəlli hüdudlarda torpaq sahəsi hasarlanıb və içində hələlik təyinatı bilinməyən obyekt tikilməkdədir. Məsələ burasındadır ki, hasarların içərisində ağaclar da “əsir düşüb”. Aqibətləri də qabaqcadan bəllidir: Məhv ediləcəklər!
Heç cür inandırıcı deyil ki, 9 saylı RETSİ-nin rəisi Oqtay Şahmurovun bu boyda faktdan xəbəri olmasın. Xatırladaq ki, Oqtay Şahmurov ETSN-nin 3 saylı Şirvan RETSİ-nin rəis müavini işləyib və onun barəsində yayılan xoşagəlməz informasiyaların fonunda başqa regional idarəyə rəhbər vəzifəyə göndərilməsi ictimaiyyət tərəfindən heç də birmənalı qarşılanmamışdı. Tezlkiklə, bu tərəddüdlər, təəccüblər özünü doğrultdu və Oqtay Şahmurov yeni vəzifəsində qanunsuzluqlara rəvac verməklə nəzarət etməli olduğu ərazilərdə bir neçə süni göllərin yaradılmasına, o cümlədən Tərtərçay məcrasında qanunsuz, dövlətə vergi belə ödəmədən fəaliyyət göstərən karxanaların çınqıl hasil etməsinə, asfalt zavodunun, süd-pendir fabriklərinin atmosferə buraxdıqları tüstüyə, zərərli tullantllara göz yumdu. Redaksiya olaraq vaxtilə bütün bu və digər faktlara aydınlıq gətirilməsi barədəregional idarəyə yazdığımız məktublara cavab verilirdi ki, bəs karxanaların fəaliyyəti barədə şikayətlərə ETSN-nin digər qurumu - Dövlət Mineral Xammal Ehtiyatlarından İstifadə Agentliyi baxmalıdır. Agentliyə vurduğumuz zənglərə isə cavab verən yox idi.
Yaxşı bəs, Bərdədə “əsir alınan” bu ağacların taleyinə necə, Oqtay Şahmurov biganə qalacaqmı? Nə etməlidirsə, tez etməlidir, ağaclar məhv edilməmiş. Əlbəttə, əgər obyekt sahibi ilə sövdələşib susmaq öhdəliyi götürməyibsə!
İbrahim Hümbətov