Masallı Rayon Banbaşı kənd ərazisində metal qəbuletmə məntəqəsinin fəaliyyəti böyük şübhələrə yollar açır

“Xalq Bank” ASC Şəhid Anasını Və Ailə Üzvlərini Çölə Atdı - RƏZALƏT “Xalq Bank” ASC şəhid anasını və ailə üzvlərini çölə atdı - RƏZALƏT

“Araz” super-marketi həm müştəriləri, hım də “Ariel”i aldadır

Var “Oqtay Eloğlu”, var Oqtay Şahmurov - VİDEO+FOTOLAR

Aşıqbayram su anbarı meliorasiya idarəsinin rəisi Elşad Quliyevin şəxsi obyektinə çevrilib?

İsmayıllıda melorasiya idarəsinin növbəti oyunu - Əsas balıq biznesidir

Dələduzluqda suçlanan şəxsin KARYERA “SIÇRAYIŞI”: Seymur Məmmədov Sumqayıtda yüksək vəzifəyə necə gətirilib?

1 saylı Regional Ekologiya İdarəsinin təzə rəisi sələfinin hallallığını verməyib

Vüqar Kərimov – “Yaşıl nazirliyin boz kardinalı”

Masallı Rayon Banbaşı kənd ərazisində metal qəbuletmə məntəqəsinin fəaliyyəti böyük şübhələrə yollar açır –VİDEO-FAKT

Gundem / Bolge / Maraqli / Video

Oxunub: 322

20 noy 2023 | 15:09

Məlumdur ki, SSRİ dövləti dağılan ərəfədə və həmin vaxtlardan daha bir neçə il sonra ən böyük biznes, məhz qara və əlvan metalların satışı biznesi oldu. Yəni, bir çox şəxslər zavod və fabriklərin avadanlıqlarını, troleyybus və dəmir yolu xətlərini, mis və alüminiumdan olan kabelləri, bir sözlə gözə görünən nə varsa onların hamısını “metallom” adı ilə ya xaricə, ya da ki, ölkə daxilində fəaliyyət göstərən bəzi metal qəbuletmə məntəqələrinə satmaqla milyonçuya çevrildilər. Hətta, elə vəzifə sahibləri də oldu ki, onlar yerin altından keçən mavi qaz və su turbalarını sökərək “metallom” adı ilə satışa çıxartdılar. Unutmaq olmaz ki, SSRİ dönəmində yerin altından keçən mavi qaz və su turbaları “iki” ədəd olurdu. Yəni, xətlərdən biri sıradan çıxırdısa, digər xətt işə düşürdü. Bütün bunlara baxmayaraq, illər keçdikcə bu gəlirli biznes sahəsi tədricən tənəzzülə uğradı və ölkə daxilində fəaliyyət göstərən və vətəndaşlardan təqribən bir neçə yüz, hətta 5-6 kq çəkidə olan metal tullantıları qəbul edən məntəqələrin fəaliyyətləri daha da genişləndi. Amma, onu unutmaq olmaz ki, bu cür metal tullantıları qəbul edən məntəqələrin fəaliyyətləri birbaşa qanunsuzluğa yollar açır. Məsələn, hansısa şəxs gedib hansısa həyətdən 10-15 kq metal oğurlayıb metal qəbulu məntəqəsinə satır və həmin vaxt məntəqəni işlədən şəxs araşdırmır ki, təhvil verilən metal hansə ünvandan və necə əldə olunub? Bu da müəyyən cinayət hadisələrinin baş verməsinə şərait yaradır. Faktdır ki, bu gün metal qəbuletmə məntəqələrində oğurluq yolu ilə əldə olunan metalları da qəbul edirlər. Digər tərəfdən, yeniyetmələr arasında elələri olur ki, onlar kabel xətlərini kəsirlər, bəzi ünvanlardan kondinsionerləri oğurlayırlar və oğurladıqlarını metal qəbuletmə məntəqələrinə təhvil verirlər. Bəli, bütün bunlar azyaşlıların daha çox oğurluq hadisələri törətmələrinə yollar açır.

Hal-hazırda Masallı rayon Banbaşı kənd ərazisində Nail adlı şəxsə məxsus olduğu bildirilən metal qəbuletmə məntəqəsi də fəaliyyət göstərir. Bu məntəqənin fəaliyyəti haqda "Azerinfo".az-ın redaksiyasına həm həyata keçirilmiş video-çəkiliş təqdim edilib, həm də xeyli məlumatlar daxil olub. Təqdim olunan çəkilişə diqqət yetirdikdə bəlli olur ki, bu metal qəbuletmə məntəqəsi böyük bir ərazini əhatə edir və məntəqəyə müxtəlif metallar, avadanlıqlar və s. təhvil verilir, ocümlədən məntəqənin həyətində yandırılan kabellərin qara tüstüsü ətrafı bürüməklə yanaşı ekologiyanıda ciddi şəkildə çirkləndiriri. O halda sual oluna bilər ki, görəsən həmin məntəqəyə metalllar, hansısa avadanlıqlar və s. təhvil verilən zaman, onların haradan, hansı şəraitdə və necə əldə olunmaları araşdırılırmı? Söz yox ki, bütün bunların hər biri ortaya çoxsaylı sualların çıxmasına səbəb olmaqdadır. Həssas məqamlardan biri də, Nail adlı şəxsə məxsus olduğu bildirilən metal qəbuletmə məntəqəsində çalışan şəxslərin əmək müqaviləsi olmadan fəaliyyət göstərmələri, texniki təhlükəsizlik qaydalarına riayət etməmələridir. Bu hal isə əmək intizamının kobud şəkildə pozulmasıdır.

Onu da unutmaq olmaz ki, son illər bir çox şəhər və rayonlarda metal qəbuletmə məntəqələrinin fəaliyyət göstərmələri qəti şəkildə qadağa olunub. Çünki, metal qəbuletmə məntəqələrinin fəaliyyət göstərmələri, istənilən halda şəhər və rayonlarda baş verən oğurluq hadisələrinin artmasına yollar açır. O halda sual oluna bilər ki, görəsən Masallı rayon Ban başı ərazisində Nail adlı şəxsə məxsus olduğu bildirilən metal qəbuletmə məntəqəsinin fəaliyyəti niyə qadağan olunmur? Ümid edirik ki, təqdim etdiyimiz bu faktlara 1 saylı Ekologiya və təbii sərvətlər idarəsinin rəisi Ceyhun Hüseynov və Masallı rayon polis şöbəsinin rəisi Cənab Ayaz müəllim biganə qalmayacaq və Nailin barəsində hüquqi tədbir görəcəklər.

Qarşı tərəfin də mövqeyini işıqlandırmağa hazırıq. Bizi izləməyi unutmayın.