Nardaranda növbəti üsyan yetişir – Ekoloji terror nələrə gətirib çıxara bilər

Prezidentin sosial şəbəkə hesablarında Dövlət Suverenliyi Günü ilə bağlı videoçarx paylaşılıb - Video

Azərbaycanda Dövlət Suverenliyi Günüdür

Azərbaycan lideri xanımı ilə ziyarətgahda - Fotolar

İlham Əliyev TDT TŞ rəhbərlərini qəbul etdi

İlham Əliyev açılışda iştirak edib - FOTOLAR

Süni intellektin tətbiqi genişləndirilməlidir - İlham Əliyev

Prezident icra başçısını vəzifədən AZAD ETDİ

Prezident Hakan Fidanı qəbul etdi - Foto

Nardaranda növbəti üsyan yetişir – Ekoloji terror nələrə gətirib çıxara bilər

Gundem / Bolge / Maraqli

Oxunub: 1 454

9 in 2023 | 12:02

Bakının Sabunçu rayonunun Nardaran qəsəbəsində illərdir fəaliyyət göstərən daş karxanası istismar etdiyi ərazini daha da genişləndirərək artıq yaşayış evlərinə yaxınlaşdırıb. Karxanada gecə-gündüz dayanmadan iş gedir. Səhərdən axşama, axşamdan səhərədək “Kamaz” yük maşınları daş daşıyırlar.
Küləkli günlərdə karxanadan qalxan toz dumanı 5-6 kilometr məsafədə ətrafa yayılır və yaxınlıqdakı evlərə, ağaclara hopur. Sakinlər dəfələrlə şikayət etsələr də, aidiyyəti qurumlar yalnız sahibkarı cərimələməklə kifayətləniblər. Polis sahə müvəkkili, Ekologiya və Təbii Sərvətlər Nazirliyinin rayon üzrə nümayəndəsi və digər vəzifəli şəxslər davam edən ekoloji terrora göz yumurlar. Karxana sahibi sakinlərə yalan vədlər verərək aldadır, çoxsaylı şikayətlərdən sonra yalnız bazar günü fəhlə işi bir neçə saatlıq dayanır. Ağır texnikanıln işi isə heç ara vermir.
Karxana sulanmır. Sakinlər tələb edirlər ki, tozun daha çox yayıldığı yay mövsümündə karxananın işi yalnız gündüz saat 11:00-dan axşam 17:00-dək davam etsin. Çünki insanlar yayda bağ evlərinə dincəlməyə gedirlər.
Bildirilir ki, karxanada əməyin etibarlı təhlükəsizliyi təmin olunmayıb. O üzdən bu yaxınlarda bədbəxt hadisə baş verib; işçi yığılaraq xəsarət alıb. Lakin hadisə ictimaiyyətdən gizlədilib. Zavallı fəhlənin sonrakı aqibəti də bəlli olmadı.
Görünür, karxananın işəgötürəninə əməyin mühafizəsi sahəsində mövcud nöqsanların aradan qaldırılması, işçilər üçün sağlam sanitariya-gigiyena şəraitinin yaradılması, işçilərin pulsuz olaraq fərdi mühafizə vasitələri ilə təmin olunması barədə icrası məcburi olan göstərişlər ya verilmir, ya da verilibsə də, vecinə almır.
İşçilərin xüsusi geyim və ayaqqabı, digər fərdi mühafizə vasitələri ilə təmin edilmədiyi, onların əməyin mühafizəsi normaları və qaydaları üzrə təlimatlandırılmadığı müəssisədə avadanlıq və qurğuların istismarı burda çalışanların həyatı üçün təhlükəli şəraitdə həyata keçirilir. İstehsalat qəzalarının qarşısının alınması üçün heç bir profilaktiki tədbirlər də görülmür.
Eyni zamanda, müəssisədə çalışanların böyük əksəriyyəti ilə əmək münasibətlərinin rəsmiləşdirilmir, onlar qeyri-leqal əmək fəaliyyətinə cəlb edilir, normal əmək və istirahət rejiminə, əməyin ödənilməsi normalarına riayət edilmir. Qanunvericiliyə əsasən, əməyin təhlükəsizliyi tələblərinə uyğun gəlməyən və işçilərin sağlamlığı, yaxud həyatı üçün təhlükə törədən müəssisələrin işi və ya istehsal vasitələrinin istismarı onlar əməyin təhlükəsizliyi tələblərinə uyğunlaşdırılanadək dayandırılmalıdır.
ETSN-nin tabeli qurumu olan Dövlət Mineral Xammal Ehtiyatlarından İstifadə Agentliyinin sədri Samir Qurbanov ara-sıra mediaya verdiyi müsahibələrində guya bu sahədə qanunsuzluqların qarşısının alınması üçün hansısa işlərin görüldüyünü desə də, nəticə yoxdur. Yagentlik faktiki olaraq yerin təkindən istifadə sahəsində tənzimləməni və qanunvericiliyə əməl edilməsinə nəzarəti həyata keçirmir.
Görünən odur ki, Nardaranda növbəti üsyanı eko-terroristlər tətikləyəcəklər. Mövzuya qayıdacağıq.

İbrahim Hümbətov