"KƏPƏZ" KLUBUNUN MARŞI OĞURLUQ DEYİL

AQEM-in 7-ci Zirvə Toplantısı keçirilir - Fotolar - Yenilənir

Gürcüstanla sərhədin delimitasiyası və demarkasiyası üzrə Dövlət Komissiyasının - Yeni tərkibi

İlham Əliyev Vladimir Putin və Sərdar Berdiməhəmmədovla görüşdü - FOTO

İlham Əliyev MDB Dövlət Başçıları Şurasının iclasında çıxış edir - YENİLƏNDİ

Türkmənbaşı şəhərində sənədlərin imzalanması mərasimi oldu

İlham Əliyev "Avaza" Kompleksində

Azərbaycan Prezidenti yeni səfiri qəbul etdi - FOTOLAR

İlham Əliyev dərman istehsalı müəssisəsinin açılışında - FOTOLAR

"KƏPƏZ" KLUBUNUN MARŞI OĞURLUQ DEYİL

Gundem / Idman

Oxunub: 2 258

8 yan 2016 | 18:13

Dünən "Futbol+" qəzetində ""Kəpəz"in 20 manatlıq marşı oğurluqdu: marşın musiqisi erməniyə məxsusdu" başlıqlı yazı getmişdi. Yazı "Kəpəz" klubunun azarkeşlərində və marşın təşkilatçısı Turan Namazovda böyük hiddət və təəssüf hissi yaratdı. Təşkilatçı - azarkeş Turan Namazov azerinfo.az-a zəng edərək yazıyla bağlı məlumat verdi. Məsələyə aydınlıq gətirmək üçün həmin qəzetin baş redaktoru Mahir Rüstəmliylə əlaqə saxladıq. Mahir müəllim marşın musiqisiylə bağlı öz tənqidlərini bildirdi. Daha sonra azarkeş T. Namazov özü Mahir müəllimlə əlaqə saxladı və öz aralarında ortaq fikrə gəlib razılaşdılar. Eyni zamanda "Kəpəz" klubunun mətbuat katibi Azad müəllimə də zəng edib, baş verənlərlə bağlı məlumat verdik. Azad müəllim də qəzetin rəhbərliyi ilə əlaqə saxladı və bildirdilər ki, yol verilən yanlışlığa görə üzr istəyəcəyik.
"Futbol+" qəzetinin bugünkü sayında isə "Düzəliş" başlığı altında kiçik bir xəbər çıxıb. Orda qeyd olunur ki, "Qəzetimizin ötən sayında "Kəpəz"in 20 manatlıq marşı oğurluqdu" başlıqlı yazıda diqqətsizlik üzündən sərlövhədə yanlışlığa yol verilib. Belə ki, əslində marşın musiqisi erməni əsilli Edip Akbayrama yox, türk Murat Alperə məxsusdu. Akbayram, sadəcə, mahnının ifaçısıdı. Əslində yazıda bütün bunlar ətraflı şəkildə izah olunub. Ancaq sərlövhədə yanlışlıqla "Marşın musiqisi erməniyə məxsusdu" cümləsi gedib. Diqqətsizliyə görə üzr istəyirik!"

Baş verən neqativ olayın yoluna qoyulduğu bir vaxtda azpolitika.info və rekord.az saytları birinci yazıdan məharətlə istifadə edib, çox qərəzli və istehzalı şəkildə "Futbol klubunun marşı oğurluq çıxdı?", ""Kəpəz"in 20 manatlıq marşı oğurluqdu: musiqisi erməniyə məxsusdur" başlıqlı yazılar dərc etdilər. Araşdırmadan, məsələnin nə yerdə olduğunu aydınlaşdırmadan belə qərəzli yazını hörmətli saytlarımız nədən dərc etdi, anlamadıq.
Əlavə edək ki, mahnının müəllifinin həqiqətən də başqa adam olduğunu T. Namazov özü bizə təqdim etdiyi yazışma ilə sübut edib. Aşağıdakı şəkillər onun müəlliflə feysbuk yazışmasının görüntüləridir.

P.S. Bu marş azarkeşləri tərəfindən həvəskar olaraq "Kəpəz" Futbol Klubuna həsr edilib. Rəsmi deyil. Marşın musiqisi Alp Murat Alper'ə məxsusdur.

Hazırladı: Günel Məmmədova