Gəncədə sərnişin daşıyan mikroavtobusun divara çırpılması nəticəsində 20 nəfər xəsarət alıb. Xəstəxanaya yerləşdirilən yaralılardan vəziyyəti ağır olanlar var.

Bu gün saat 14:00 radələrində Gəncənin Ozan küçəsində sərnişindaşıyan mikroavtobus qəza törədib. 29 saylı marşrut üzrə hərəkət edən “Mercedes” markalı mikroavtobus Firdovsi Əliyev küçəsindən Ozan küçəsinə dönərkən əyləc sistemində yaranan problem üzündən yaşayış evinin divarına çırpılıb. Hadisə nəticəsində nəqliyyat vasitəsinin sürücüsü və 19 sərnişin müxtəlif dərəcəli bədən xəsarətləri ilə Gəncə şəhər Təcili Tibbi Yardım Xəstəxanasına yerləşdiriliblər. Yaralılardan 2-nin vəziyyətinin ağır, 17-nin səhhəti isə orta ağır olduğu bildirilir.

Şahin Quliyev - həkim: “Avtoqəza nəticəsində bizim xəstəxanaya 19 nəfər gətirilib. Onlardan ikisinin vəziyyəti ağır olduğundan dərhal palataya yerləşdirilib. Digərlərinin isə müayinələri davam etdirilir. Bəzilərinin xəsarətləri yüngül olduğundan ambulator müalicəyə buraxılacaq”.

Xəstəxanadan yaralıların əksəriyyətinin tələbə olduğu bildirilir. Yaralılar bunlardır.

Azər Məmmədov - sürücü

Şəhriyar Cəlilov

Hekayət Əhmədzadə

Arifə Cabbarova

Xəyalə Abdulxalıqova

Ülkər Əfəndiyeva

Afaq Məmmədova

Məryəm Əliyeva

Zəhra Məmmədova

Nərmin Əmirova

Sevda İsmayılova

Zöhrab Namazov

Elmir Cəlilli

Elmira Məmmədova

Milana Məmmədova

Amid Babaxanov

Toğrul Əliyev

İlham Bağırov

Pərvanə Fətəliyeva

Tofiq Eminov

Gəncə şəhər 1 saylı uşaq poliklinikasından Kəpəz Televiziyasına verilən məlumata görə, qolun sınığı diaqnozu ilə poliklinikaya gətirilən bir azyaşlıya da ilkin tibbi yardım göstərilib.

Faktla bağlı araşdırma aparılır.


15:10 - a olan xəbər

Gəncədə 29 saylı marşrut üzrə hərəkət edən mikroavtobusun Ozan küçəsində qəzaya uğraması nəticəsində 20-ə yaxın sərnişin xəsarət alıb. Onlar Gəncə şəhər Təcili Tibbi Yardım Xəstəxanasının reanimasiya və travmatologiya şöbələrinə yerləşdirilib. Yaralılardan 16-nın şəxsiyyəti müəyyənləşdirilib. Yaralılardan 6-nın vəziyyəti ağır, 10-nun vəziyyəti isə orta ağırdır.

14:40- a olan xəbər

Bu gün saat 14 radələrində Gəncədə 29 saylı marşrut xətti üzrə hərəkət edən mikroavtobus Ozan küçəsində qəza törədib. Şəhər TTYX-dan verilən məlumata görə, qəza nəticəsində bir neçə nəfər yaralanıb və onlar xəstəxananın travmatologiya şöbəsinə yerləşdiriliblər. Hazırda həkimlər zərərçəkmişlərə ilkin tibbi yardım göstərir. Qəzanın dəqiq səbəbləri araşdırılır.

http://kepeztv.az/