Təhsil sahəsində islahatların aparılmasına baxmayaraq bu sahədə inkişaf yoxdur.

Orta məktəblərdən tutmuş ali təhsil ocaqlarına qədər əksəriyyətinin fəaliyyətində ciddi nöqsanlar mövcuddur. Yanlış kadr islahatlarının nəticəsidir ki, ölkənin təhsil sistemi çökmək üzrədir. Demək olar ki, az sayda ali təhsil ocaqları tələbələrə keyfiyyətli təhsil verir. Belə təhsil ocaqlarından biri də Azərbaycan Texnologiya Universitetidir. Bu təhsil ocağının fəaliyyətindəki nöqsanlarla bağlı redaksiyamıza tez-tez şikayət məktubları daxil olur. Gəncədə fəaliyyət göstərən bu təhsil ocağı Gəncə əhalisi üçün xəcalət yeridir. Gəncə təhsilini bərbad hala salan təhsil ocaqlarından biri də Azərbaycan Texnologiya Universitetidir. Bizə verilən məlumatlara görə, adını çəkdiyimiz təhsil ocağı tələbələrə keyfiyyətli təhsil vermir. Universitetdə təhsildən çox başqa işlərlə məşğuldurlar. Sözügedən təhsil ocağında təhsil almaq ikinci plana keçib. Mənbə bildirir ki, tələbələr qiyməti savadları əsasında deyil başqa yollarla alırlar. İmtahan zamanı Azərbaycan Texnologiya Universiteti təsəvvür imkanlarına siğmayan bir məkana oxşayır. Qiymət almaq üçün tələbələrə "qiyamət mühazirələr" oxuyurlar. Bu da sözsüz ki, oxumayan tələbələrə sərf edir. Oxuyan tələbələrə isə qətiyyən sərf etmir. Ona görə də qurunun oduna yaş da yanır. Demək olar ki, bu təhsil ocağına qəbul olanlar peşmançılıq hissi keçirirlər. Bizə verilən məlumata görə, buranı bitirən tələbələrin çoxu Gəncədən adının çəkilməsini istəməyən mötəbər mənbədən aldığı məlumata görə rektor Akif Süleymanovun universitetə nəzarəti həddindən artıq zəifdir. Rektorun nəzarətinin nəticəsidir ki, ali təhsil ocağına nə girən bəllidir, nə də çıxan. Tələbələr istədikləri vaxtda dəsrlərdə iştirak edirlər. Bununla yanaşı müəllim heyəti də dərslərə məsuliyyətsiz yanaşır. Universitetdə dərslərin köhnə metodlarla keçirildiyi deyilir. Texnologiyanın inkişaf etdiyi bir dövrdə universitet müasir avadanlıqlar baxımından çox kasaddır. Kompüterlər çox köhnədir. Az sayda müasir tələblərə cavab verən kompüter var ki, bu da rektorun və bir neçə kafedra müdirinin otağındadır. Ona görə də Azərbaycan Texnologiya Universitetində təhsilin səviyyəsi həddindən artıq aşağıdır. Ağrılı məsələrdən biri də bu universitetdə gəncləşmə siyasətinin aparılmamasıdır. Yeniliklərdən uzaq olan bu tədris müəssisəsi hələ də saralan dəftərlərdən mühazirə oxuyan müəllimlərin ümidinə qalıb. Bu isə olduqca təhlükəlidir. Müəllim heyəti gəncləşmir, tələbə saralmış dəftərlərdəki mühazirələrlə qane olmur və nəticədə bir-birini anlamayan tələb-müəllim arasında təhsil səviyyəsindən uzaq söhbətlər yaranır. Hətta adını çəkdiyimiz ali təhsil ocağında müəllim tələbə münasibətlərində xoşagəlməz hallar yaşanır. Nə müəllimlər tələbələrə hörmət qoyur, nə də tələbələr müəllimlərə. Odur ki, müvafiq qurumlar Azərbaycan Texnologiya Universitetində ciddi yoxlamalar aparsalar, yaxşı olardı.