Azərbaycan dövlətinin qurucusu və xilaskarı, Ulu Öndər Heydər Əliyevin adı əsrlər, qərinələr boyu yaşayacaq. Çünki o, bizə müstəqil bir dövlət, siyasi sabitliyə söykənən elə cəmiyyət bəxş etdi ki, həmin cəmiyyət bu gün də inkişaf edir, daim yeniləşir. Odur ki, biz azərbaycanlılar onun adi ilə bağlı nə varsa yaşatmalı, qorumalı və yaşadılmasına da çalışmalıyıq. Hər il dövlət səviyyəsində qeyd olunan 10 may-Ulu Öndərin doğum günü, bir azərbaycanlı olaraq mənim də yaşatdığım, yaxud da yaşadılmasına çalışdığım günlərdən biridir.

Bu məqsədlə bu ilin may ayında Ulu Öndərin 92 illiyi ilə bağlı “Region xəbər” jurnalının xüsusi burxlışını buraxmaq qərarına gəldim. Jurnalda Heydər Əliyevin həyat və fəaliyyəti, isər 1969-cu ildən, istərsə də 1993-cü ildə ikinci dəfə hakimiyyətə gəlməsinin səbəbləri, baş verən hadisələr, müdriklərin onun barəsində söylədikləri fikirlər, düşüncələr və.s öz əksini tapmışdır.

Onu da qeyd edim ki, “Region xəbər”jurnalının xüsusi buraxılışında, Ağstafa rayon İcra Hakimiyyətinin başçısı cənab Məhərrəm Quliyevin, Ulu Öndər Heydər Əliyev haqqında fikir və düşüncələrini də dərc etmişdik. Bu məqsədlə işıq üzü görən jurnaldan bir ədədini, rayon rəhbərliyinə təqdim etməyi sanki özümüzə borc bildik. İcra hakimiyyəti aparatında bizi qarşılayan ilk vəzifə sahibi Əziz müəllim adlı şəxs olduğundan, gəlişimizin səbəbini izah edib jurnaldan bir ədədini ona verdik. O da, çox keçmədi ki, jurnalı

ictimai-siyasi və humanitar məsələlər üzrə müavin Lalə xanıma çatdırdığını söylədi. Elə ki, Lalə xanımla görüşüb jurnal barəsində bir qədər söz-söhbət etdik, bu zaman o, jurnalın nəfis formada işıq üzü gördüyünü, yaxşı hazırlandığını bildirsə də, son anda buna ehtiyac olmadığını da söylədi. Bu zaman bizi təəccüb bürürdü ki, necə bəyəm, Ulu Öndərlə bağlı hər hansı jurnalın xüsusi buraxlışının hazırlanmasına ehtiyac yoxdur! Çox təəssüf doğuran cavab və düşünməyə ehtiyacı olan açıqlama oldu ki, belə açıqlamanı da, Ağstafa rayon İcra Hakimiyyəti Aparatında ictimai-siyasi və humanitar məsələlər üzrə müavin vəzifəsini daşıyan Lalə xanımın dilindən eşitdik. Belə bir yanaşmaya olduqca təəssüf etmək lazımdır ki, Ulu Öndərin 92 illiyi ilə bağlı işıq üzü görən ....jurnalın xüsusi buraxlışına, bu cür sayğısızlıq göstərildi.