Suriyada diktator Bəşər Əsədi müsafiə edən İran ordusu general rütbəli daha bir komandirini itirib

Azerinfo.az xəbər verir ki, İsrail kəşfiyyatına yaxınlığı ilə tanınan "DEBKAFİLE" saytının yaydığı məlumata görə, İran İnqilab Mühafizəçiləri Ordusunun Qüds Briqadasının ikinci komandanı general Abdulkərim Rubaş Suriyada öldürülüb. Xəbəri İsrail kəşfiyyatının mənbələrinə əsaslandıran sayt, general Rubaşın iyulun 13-də paytaxt Tehranda gizli keçirilən bir hərbi mərasimlə torpağa verildiyini qeyd edib.



Abdulkərim Rubaşın 4 ildir davam edən vətəndaş müharibəsi prosesinin çoxunu Suriyada keçirdiyinə diqqət çəkən sayt generalın, Hizbullah əsgərlərinin Livana gətirilməsi strategiyasının fikir atası olduğunu qeyd edib. General Rubaşın, ötən həftə konvoyuna təşkil olunan snayper hücumu nəticəsində ağır yaralandığı, öləndən sonra isə cəsədinin Tehrana aparıldığı iddia edilib.



Sayt İranın general Rubaşın ölümünü mətbuatdan ustalıqla gizlətdiyi, ölümündən sonra yerinə təyinat aparıldığını da yazıb. General Rubaş rəsmi sənədlərdə, Suriyanın Zebedani bölgəsindəki İran əsgərlərinin komandiri vəzifəsində idi.



İndiyə qədər General Məhəmməd Əli Allahdedi və General Hadi Kajbafı Suriyadakı qarşıdurmaya qurban verən Tehran hökuməti , General Abdulkərim Rubaşın öldürülməsi ilə son 4 ilin ən ağır itkisini da yaşamış oldu.