İŞİD MDB və Mərkəzi Asiya regionunda vəziyyəti gərginləşdirməyə çalışır.

ANS PRESS-in məlumatına görə, bu barədə Rusiya Federal Təhlükəsizlik Xidmətinin başçısı Aleksandr Bortnikov MDB ölkələrinin terror əleyhinə mərkəzinin iclasında bildirib. Onun sözlərinə görə, bütün MDB ölkələri, o cümlədən Ermənistan və Azərbaycan İŞİD-ə qarşı mübarizədə Türkiyə ilə əməkdaşlıq etməlidir.
"Deutsche Welle" xüsusi xidmətlərdə olan mənbələrə istinadən bildirir ki, bir qrup terrorçu Suriyadan gələn qaçqınların içində Türkiyəyə keçəcək, sonra saxta pasportlarla Qərbi Avropaya keçəcək. Rusiya da İŞİD-in əsas hədəflərindən biridir və KTMT qüvvələri ona qarşı birgə mübarizə aparmağı qərara alıb.

Terror əleyhinə mərkəzin rəhbəri Andrey Novikov Rusiya ərazisində İŞİD tərəfindən "çirkli bomba" hazırlanacağını güman edir. Onun sözlərinə görə, İŞİD silahı yaratmaq üçün nüvə materialı əldə edə bilər ki, bu da böyük çaxnaşmaya səbəb ola bilər.