Şikayətçi böhtançı çıxdı, hətta, əməkdaşımızı da suçladı. Keçən sayımızda “Şantaj, böhtan...yoxsa həqiqət?!” sərlövhəli yazı dərc etmişdik. Yevlax şəhəri, Ceyhun Əzizov küçəsi ev 79-də yaşayan Nurəddinova Aysel Vidadi qizi tərəfindən Daxili İşlər Naziri Ramil Usubov cənabına, Təhsil Naziri cənab Mikayıl Cabbarova və saytımıza ünvanlanan şikayət məktublarını ictimai maraq kəsb etdiyindən onu olduğu kimi oxucuların diqqətinə çatdırmışdıq və qeyd etmişdik ki, şikayət məktublarında göstərilən faktların həqiqətə nə qədər uyğun olub-olmaması müəllifin məsuliyyətidir. Və həmçinin qarşı tərəfin mövqeyini də dinləyib dərc etməyə hazır olduğumuzu bildirmişdik.

Biz həmin şikayət ərizələrində göstərilən faktları araşdırarkən məlum oldu ki, vətəndaş Nurəddinova Aysel Vidadi qizi əvvəllər də belə “hadisələrlə”tez-tez rastlaşıb.Yəni,müxtəlif vəzifəli şəxslər barədə belə şər və böhtan xarakterli müxtəlif instansiyalara şikayət ərizələri göndərib.

Redaksiyamıza yeni daxil olmuş məlumatda bildirilir ki, Nurəddinova Aysel Vidadi qızı dünən Yevlax rayon Polis Şöbəsi tərəfindən redaksiyamıza göndərdiyi həmin şikayət məktubuna görə saxlanılıb. O, yazdıqlarının həqiqətə uyğun olmadığını da etiraf edib. Maraqlı burasındadır ki, o, bu səfər redaksiyamızın əməkdaşı Mübariz Nağıyevi şərləyərək onu bu işə təhrik etdiyini bildirib. Hazırda əməkdaşımız da Polis şöbəsindədir və istintaq gedir. Hadisənin detalları barədə məlumat əldə etdikdən sonra sizi də məlumatlandıracağıq. Bizi izləyin.