Ermənistanın “Joxovurd” nəşri: “Ermənistanda son zamanlar çörək istehsalı 60 faiz azalıb”

Ermənistanda son zamanlar çörək istehsalı kəskin azalıb. Azərinfo.az-ın verdiyi məlumata görə, bu barədə "İrəvan çörək zavodu"nun sahibkarı Aşot Avetisyan "Joxovurd" qəzetinə müsahibəsində deyib.

Erməni nəşşrinin verdiyi məlumata görə, sahibkar Aşot Avetisyan
ölkənin bir neçə şəhərində zavodların olduğunu bildirsə də, sahibkar çörək istehsalının 60%-ə qədər azaldığını deyib. Aşot Avetisyan insanların köhnəlmiş çörəklərə daha çox tələb göstərdiyini söyləyir. Buna səbəb isə köhnəlmiş çörəyin iki dəfə ucuz satılmasıdır. Zavod rəhbəri bildirib ki, Ermənistanda insanlar artıq çörəyi evdə bişirməyə başlayıblar.

Onun sözlərinə görə, İrəvanda çörək istehsalının kəskin azalması şübhəsiz insanların ölkədən köçü ilə əlaqəlidir: “Birdən-birə istehsalda 60%-lıq azalma ölkə iqtisadiyyatında dözülməz vəziyyət olduğunu göstərir. Ermənilərin xarici ölkələrə axın etməsi şəhərlərin boşalmasına və tələbatın azalmasına gətirib çıxarır”. Bununla yanaşı, insanlar mağazadan çörək almağın baha başa gəldiyini nəzərə alaraq, qənaət etməyə çalışırlar. Evdə çörək bişirməyin daha ucuz olduğunu bilən ermənilər bu yolla ac qalmaq risklərini azaltmağa çalışırlar.




Ülkər