9 Mayda Moskvaya dəvət olunan Azərbaycan və Ermənistan prezidentləri arasında görüş olmayacaq. Bu Fransanın paytaxtı Parisə dəvət olunan Azərbaycan və Ermənistan xarici işlər nazirlərinin ATƏT-in Minsk qrupunun həmsədrləri ilə görüşündən sonra verilən bəyanatdan da, aydın olur.

Həmsədrlər görüşdən sonra prezidentlərin görüşünün ilin sonunda baş tuta biləcəyini bəyan edirlər. Bu isə o anlama gəlir ki, Moskvada Rusiya prezidenti Putin tərəfindən prezidentlərin görüşüylə bağlı hər hansı təşəbbüs olmayacaq.

Elə bu məqam siyasi arenada bir qədər kölgədə qalsa da, Ermənistan Rusiya prezidentinin orezidentləri görüşdürməkdə təşəbbüs göstərməməsindan həddindən ziyadə narahatdır. Misal üçün Ermənistan lragir.am saytı belə bir sual qoyub: “Ermənistan Qondarma Dağlıq Qarabağ Respublikasını niyə tanımır?” Daha sonra həmin sualı cavablandırmağa çalışan erməni mətbuatı bir sıra məqamların da üstünü açıb.

Nəşr qeyd edir ki, əgər Ermənistan QDQR-nı tanıyarsa, birmənalı olaraq, danışıqlar prosesini sonlandırmalıdır. Danışıqların davam etdirilməsi isə Ermənistan üçün hərbi əməliyyatların başlanmamasına görə, əsl fürsətdir. Əaslində bu bir qədər maraqlı bir siyasi təsnifdir. Çünki Ermənistan danışıqların davam etdirilməsi və Azərbaycanıın müharibəni başlamaması üçün onu məşqul etmək üçün əlindən gələni edir. Əslində ermənilərə danışıqları kim aparır, kim onmları təşkil edir məsələsi heç də maraqlı deyil. Ermənilər üçün maraqlı olan sadəcə danışıqların davamlı olmasını təmin etməkdir. Minsk Qrupu isə danışıqların davamlı olmasını dəstəkləyir. Yəni Azərbaycanın müharibəni başlamasına imkan vermir. Qərb öz növbəsində Azərbaycana Birinci Avropa Oyunlarını keçirməsinə izin belə verdi. Bu isə ona görə dir ki, Azərbaycan öz maddi vəsaitini Rusiyadan satın alınan silah-sursata xərcləməsin və beləliklə müharibəni Azərbaycan yenə də, başlata bilməsin. Lakin Avropa Oyunları iyul ayında bitir. Deməli Ermənistan Azərbaycanın müharibəni başlamaması üçün yeni bir variant düşünməlidir. Əslində neftin qiymətinin iki qat aşağı düşməsi Ermnənistan üçün yaxşı göstəricidir. Heç olmasa Azərbaycana yeni silahlar almağa imkan verməyəcək. Lakin burada başqa bir məslə də var. Böyük ehtimalla Moskva burada öhdəliyi öz boynuna götürə bilər və İrəvanı Bakıya güzəştə getməyə məcbur edə bilər...9 mayda Serj sarkisyanın Şuşada yox, məhz Moskvada olması da bu ehtimalı təsdiqləyir. Digər tərəfdən Putin 24 apreldə Türkiyəyə yox, məhz İrəvana səfər etməklə, əslində Serj Sarkisyanı minnətli çıxarmağı bacardı. İndi ermənilər qəbir evinə qədər Putinə borcludur...Əgər xatirinizdəidisə, 2008-ci ildə Abdulla Gülün İrəvana səfəri zamanı Ermənistanın milli futbol komandasının bayrağının üzərində olan Qarabağın xəritəsi yığışdırılmışdı. 2015-ci ildə 24 apreldə də, kimlərinsə istəyi ilə Bako Sakayanın İrəvana gəlməsi qadağan edildi.

Bu gün Ermənistan Dağlıq Qarabağla bağlı nə düşünür? Rəsmi Ermənistan həmişə Rusiyaya arxalanaraq, Ermənistanın və dağlıq Qarabağın maraqlarını müdafiə edəcəyinə inanırdı. Görəsən Putin və Ərdoğanın yaxınlaşması müşahidə edilərkən rəsmi Ermənistan hansı qərarı verəcək?

Bu da, yenə də, erməni nəşrinin dilindən səslənən erməni etirafı idi. Əslində Avropa Oyunlarının Azərbaycanın Dağlıq Qarabağda müharibəni başlamaması üçün keçirilməsinə şəraitin yaradılması kimi fikrin absurd olduğunu elə erməni özü də, etiraf etdi. Sözü gedən Avropa Oyunları bir-iki aydan sonra bitəcək. Amma gəlin etyiraf edək ki, erməni nəşri danışıqların nə olursa-olsun davam etdirilməsi ilə bağlı məsələdə əməlli başlı erməni xislətini və erməni siyasətini etiraf etmiş oldu. Burada ləzzət edən bir məqam da odur ki, Ermənistan Azərbaycanın müstəqil siyasət yürütdüyünü etiraf edir. Düşmən bilir ki, əgər Ermənistan Rusiyanın razılığı ilə hərəkət edirsə, Azərbaycan istədiyi an müharibəni başlamaq ixtiyarına sahibdir. Düşmənin həmin o müharibədən qaçmaq üçün yollar axtarması isə düşmənin bəri başdan uduzmağı deməkdir.


Ülkər Musazadə