“Siyasi həyasızlıq bir az sonra ən populyar adamı belə heç edir”. Bunu Azərinfo.az-a açıqlamasında Gürcüstan Türkləri Konfederasiyasının (GTK) Prezidenti Namiq Əhmədov Borçalı əslli ziyalılar tərəfindən Azərbaycanda fəaliyyət göstərən “Borçalı” İctimai Cəmiyyətinin sədri Zəlimxan Məmmədliyə postundan istefa tələbinə münasibət bildirərkən deyib. Onun sözlərinə görə, Zəlimxan Məmmədliyə “Borçalı” Cəmiyyətinin sədri vəzifəsindən getmək çağırışı, onu istefa verməyə dəvət etmək çağırışı normal bir haldır: “Əgər demokratik dəyərlərə önəm verilirsə, o zaman insanların fikirlərinə sayqı ilə yanaşmaq lazımdır. Qaldı ki, Zəlimxan Məmmədliyə qarşı səsləndirilən əks fikirlər, onu göstərir ki, bu şəxsə qarşı artıq Borçalı əslli insanlar arasında kəskin neqativ rəy formalaşıb. Demək ciddi səbəblər var. Zəlimxan Məmmədli isə insanların rəyinə, fikirlərinə sayqı ilə yanaşmalıdır. Məni bu qədər ittiham etsələr mən ümumiyyətlə sakit bir halda siyasətdən gedərdim. Hələ yaxın tariximizdən bilirik ki, siyasi həyasızlıq bir az sonra ən populyar adamı belə heç edir. “Borçalı” Cəmiyyəti insanlarındır, Zəlimxan Məmmədlinin şəxsi mülkiyyəti deyil. Təəsüf ki, bu cəmiyyətin rəhərliyi bir çox insanları özünə qarşı qaldırıb və bu təşkilar nüfuzdan düşməkdə, ələnməkdə və məhv olmaqda davam edir. Zəlimxan Məmmədlinin xidmətləri olub, mən bunu danan bilmərəm, amma indiki zamanda o, öz ambisiyaları üçün “ Borçalı” Cəmiyyətini məhv etməkdədir. Bilsin ki, “Borçalı” Cəmiyyətinə görə Z. Məmmədliyə deputat mandatı verməyəcəklər. Dörd il öncə Azərbaycandakı bir çox Borçalı əslli ziyalını, ictimai xadimləri birləşdirən bu cəmiyyətdə indi cox az şəxs qalıb. Onların da, getməyi bu günun sabahın işidir”.



Gülçin