“Kim bunu humanizm adlandırırsa o, qeyd-şərtsiz yaltaqlıq nümayiş etdirir”. Bunu Azərinfo.az-a açıqlamasında “El” Hərəkatının Ali Məclisinin sədri Eldəniz Quliyev Tofiq Yaqublunun məhz bir heftelik, cənazəni yerdən götürməsi üçün buraxılmasını bəzi iqtidar yönlü nəşrlərin hümanistlik kimi qələmə verməsinə münasibət bildirərkən deyib. Onun sözlərinə görə, Hakimiyyət Tofiq bəyi dünyadan vaxtsız köçmüş balasının dəfninə buraxmalıydı: “Hakimiyyət ən azından buna borclu idi. Bu, qanunlarda da, təsbit edilib. Qoy, bunu humanizm kimi ictimai rəyə ötürənlər o gül balanın ruhundan utanıb-qızarsınlar!”

Eldəniz Quliyev mayın 3-də Milli Şuranın keçirəcəyi mitinqə də, münasibət bildirib: “Mayın 3-ündə Milli Şura öz növbəti etiraz aksiyasını keçirəcək. Və həmişəki kimi müəyyən nəticə əldə edəcək. Ən azından, insanlar öz talelərinə biganə qalmaq ətalətindən çıxarmaq baxımından. " Boş mitinqlər" ifadəsi isə ancaq boşboğaz adamlar tərəfindən deyilən boş sözdür!..”




Ülkər