İki gün öncə "Yeni Müsavat"ın Rusiyanın Tomsk şəhərində müalicə olunduğu xəstəxanada ağır xəstəlik üzündən vaxtsız vəfat etmiş əməkdaşı, Müsavat başqanının müavini Tofiq Yaqublunun qızı Nərgiz Yaqublu bu gün dəfn edilib. Qeyd edək ki, Nərgiz Yaqublu ölkənin gənclər hərəkatının önəmli simalarından, liderlərindən biriydi. O, ailə həyatı qurana qədər "Yeni Müsavat" qəzetinin müxbiri olmuşdu.
"Yeni Müsavat" ın reportyoru xəbər verir ki, Nərgiz Yaqublunu son mənzilə müşayiət edən izdiham Tofiq Yaqublunun Qaraçuxur qəsəbəsindəki evindən qəbristanlığa yola düşüb.
Dəfn mərasimində yüzlərlə insan iştirak edir. Onların arasında milli-azadlıq hərəkatının liderləri, iştirakçıları, tanınmış simalar da olub.
Mərhum Nərgizin dostları, gənclər təşkilatlarındakı yoldaşları onun üçün transparant hazırlayıblar: "Sən bizim solmayan gülümüz, NƏRGİZİMİZSƏN".





Musavat.com