20.04.2015 10:314
Laçın rayon Qarakeçdi kənd orta məktəbinin bağlanması ilə əlaqədar İcra Hakimiyyətinin mövqeyi açıqlandı
Laçın rayon Qarakeçdi kənd orta məktəbinin bağlanması ilə əlaqədar İcra Hakimiyyətinin mövqeyi açıqlandı
0

Laçın rayonunun Qarakeçdi kənd 2 saylı tam orta məktəbində təhsillə bağlı bəzi problemləri və bir neçə gün öncə müəllimlər otağında baş vermiş yanğınla əlaqədar aydınlaşdırıcı söhbət aparmaq üçün Rayon İcra Hakimiyyətinin təşəbbüsü ilə müəllimlərin bir qrupu Rayon İcra Hakimiyyətinə dəvət olunmuş, onlar dinlənilmişlər. Həmin müəllimlər Qarakeçdi kənd inzibati ərazi dairəsi üzrə nümayəndə Əli Həsənquluyev vasitəsilə qəbula dəvət edilmişlər. Məktəb ətrafında yaranan neqativ reallıqlarda əli olanlar şayiə buraxıblar ki, məktəbi bağlayacaqlar. Bu səbəbdən müəllimlər narahat olmuş və maraqlanmışlar ki, məktəb bağlana bilərmi?!


Məktəbin fəaliyyətinin araşdırılacağından qorxanlar və nəticəni özləri bildiklərindən müəllimləri narazı salmağa çalışmışlar. Bu məqsəd baş tutmayıb və qəbulda olan müəllimlər razılıq bildirərək gediblər. Əlavə olaraq bildiririk ki, bu məktəbdə bir neçə il öncə 2 dəfə yanğın baş vermişdir ki, bu isə artıq 3-cü yanğındır. Yanğınla bağlı Fövqəladə Hallar Nazirliyinin əməkdaşları tərəfindən hadisə yerinə baxış keçirilmiş, hadisənin səbəbləri barədə müvafiq qərar qəbul ediləcəkdir.


Bu məsələ ilə bağlı müəyyən maraqlı şəxslərin diktəsi ilə ayrı-ayrı saytlara göndərilmiş yazılar məqsədli xarakter daşımaqla heç bir fakta əsaslanmır, yalan, böhtan və iftiradan ibarətdir.