Birinci Avropa oyunlarına sayılı günlər qalıb. Azərbaycana dünyanın hər yerindən çox sayda turistlər və xarici qonaqlar gələcək. Hamıya məlumdur ki, onların ilk gəzəcəyi və fəth etmək istədikləri guşə paytaxt Bakıda yerləşən İçəri şəhər, Şirvanşahlar sarayı, Qız qalası və sairədir. Biz də, həmin ərazilərin turistləri qarşılamaq üçün Bakı İcra Hakimiyyəti tərəfindən nə dərəcədə hazır olub-olmaması ilə maraqlanmaq adına reyd apardıq. Əfsuslar olsun ki, gördüklərimizə özümüz də inanmadıq. Bu cür hazırlığın və olduqca böyük yatırılan maliyyənin bu cür görkəmlə turistlərə təqdim olunmasının mümkünsüz olduğunu düşünürük...

Əməkdaşımız İçəri Şəhər stansiyası və İçəri şəhərdə neqativ halları əks etdirəcək foto görüntülər təqdim edən də, ilk əvvəl bunu işıqlandırmamağı düşündük. Daha sonra bunun tez bir zamanda aradan qaldırılması adına dərc etmək və bu məqamı ictimailəşdirmək qərarına gəldik. Görünür qış artıq çoxdan qurtarsa da, Gədəbəyə yağan qar, Bakı İcra Hakimiyyətini əməlli başlı çaşdırıb. Elə ona görə də, hörmətli Hacıbala Abutalıbov qış yuxusundan hələ də ayıla bilmir... Buradan bizim hörmətli merə səslənərək, heç olmasa qarşıdan gələn gül bayramına qədər bu neqativ halların aradan qaldırılmasını rica etmək istəyirik... Xatırladaq ki, bu neqativ halları düzəltmək üçün Abutalıbov öBakı İcra Hakimiyyətinin İgamətgahından düz 10 addım metro istiqamətində irəliləsə özü bu halın şahidi ola bilər.

İçəri Şəhərin qala divarları arxasında yerlərə döşənən daşlar da, nədənsə, bu gün salınıb, ertəsi gün qazılan magistral yolları xatırladır. Fotokameramıza tuş gələn görüntülərdən məlum olur ki, İçəri Şəhərdə döşənən daşlar keyfiyyətli şəkildə döşənməyib. Çünki bir neçə istiqamətdə, o cümlədən İçəri Şəhərdə yerləşən İtaliya səfirliyinin yanında döşənmiş daşların çökməsinü də görmək mümkündür...

Hesab edirik adiyyatı qurumlar birinci Avropa Oyunlarına qədər bu kimi neqativ halların aradan qaldırılması üçün əlindən gələni əsirgəməz. Unutmamalıyıq ki, bu oyunların keçirilməsi kimlərinsə deyil, bütün Аzərbaycan adına bir uğurdur. Bu uğuru biz birlikdə qazanmalıyıq!









Ülkər