Erməni nəşrləri Rusiyanın İrana C-300 texnikasını satması ilə bağlı rəsmi İrəvanın təşviş içində olmasını əks etdirir. Azerinfo.az-ın Ermənistanın "lragir.am" nəşrinə istinadən verdiyi xəbərə görə, bir qədər əvvəl Rusiya İrana zenit-raket kompleks hərbi texnikası hesab olunan C-300-ün satışına qadağa qoymuşdu. İndi isə Rusiya XİN-i bəyan etdi ki, Rusiya sözü gedən texnikanın satışı ilə bağlı barter razılaşmasına gəlib. Yəni texnika ilə neft dəyişdiriləcək. Baxmayaraq ki, Rusiyanın Energetika naziri Rusiyaya İran neftinin idxal olunmadığını bildirib.



Erməni nəşri bildiri ki, Moskvanın Tehranla bu cür anlaşması Rusiyanın ötüb getmiş qatara çatmağa çalışmağı xatırladır. İran və Qərbin “5+1” lərin görüşü zamanı anlaşmasına mane ola bilməyən Rusiya İrana öz raketlərini satmaq qərarına gəlib. Məlum məsələdir ki, İran Rusiya ilə bağlı arbitraj məhkəməsinə müraciət edib və Rusiyadan 4 milyard dollar təzminat tələb edir. Görünür, Moskva məhkəmənin Tehranın xeyrinə qərar verəcəyi ilə bağlı xəbər alıb. Çünki rəsmi İran bu gün Rusiya tərəfindən söz verilən zenit raketlərin satışının gerçəkləşməsini gözləyir. Sözü gedən raketlərin istehsalı isə artıq uzun müddətdir dayandırılıb. Yeni istehsal da, zaman tələb edir. Əslində İrana həm raketi almaq, həm də 4 milyard təzminatı ala bilmək variantı sərf edir.

Onu da qeyd edək ki, Rusiya-İran arasındakı bu anlaşma İsrail və ABŞ-ın narazılığına səbəb olub. Əlbəttə onlar fərqindədir ki, Rusiya İrana təmənnasız raket satmayacaq və mütləq onun əvəzində düşünülmüş, olduqca hiyləğər bir addım atacaq.

Bütün bunlarla yanaşı erməni nəşri bildirir ki, Rusiya sözü gedən C-300 zenit raketlərini Ermənistana da təchiz edib. Amma bu günə Ermənistanın həmin raketləri istifadə etmək üçün elə bir şərait yaranmayıb. Həmin bu texnikanın Ermənistana təxhizatı məsələsi də, həmişə Türkiyə və Rusiya tərəfindən Rusiyanın üzünə vurulur. Rusiya da, böyük ehtimalla həmin raketləri Ermənistandan geri alaraq, İrana satacaq. Bu durum isə Türkiyə və Azərbaycanın qələbəsi kimi qiymətləndiriləcək. Çünki əgər Rusiya Azərbaycan və Türkiyənin xeyrinə bu addımı atarsa, Rusiya İrana verəcəyi 4 milyard təzminatdan da, boyun qaçıra biləcək. Ermənistan isə yenə həmişə olduğu kimi dövlətlərarası mübarizədə günahkar keçi rolunu oynamağa məhkum olunacaq...






Ü.Musazadə