Biz bu gedişlə hara gedirik bəlli deyil...

AQEM-in 7-ci Zirvə Toplantısı keçirilir - Fotolar - Yenilənir

Gürcüstanla sərhədin delimitasiyası və demarkasiyası üzrə Dövlət Komissiyasının - Yeni tərkibi

İlham Əliyev Vladimir Putin və Sərdar Berdiməhəmmədovla görüşdü - FOTO

İlham Əliyev MDB Dövlət Başçıları Şurasının iclasında çıxış edir - YENİLƏNDİ

Türkmənbaşı şəhərində sənədlərin imzalanması mərasimi oldu

İlham Əliyev "Avaza" Kompleksində

Azərbaycan Prezidenti yeni səfiri qəbul etdi - FOTOLAR

İlham Əliyev dərman istehsalı müəssisəsinin açılışında - FOTOLAR

Biz bu gedişlə hara gedirik bəlli deyil...

Gundem

Oxunub: 1 628

10 apr 2015 | 15:26

Bu günlərdə, o qədər müəmmalı məsələlər ortaya çıxır ki, adam bilmir hansından danışsın...Elə götürək Səudiyyə Ərəbistanının müftisi Əbdüləziz Ali Şeyxin verdiyi əcaib bir fətvaya. O bildirib ki, əgər kişi ölümcül həddə qədər aclığa düçar olsa və yeməyə heç nə tapmasa, öz qadınının bir hissəsini və ya bütün bədənini kəsib yeyə bilər. Bu da, bu boyda şeyxin dünya gender bərabərliyindən dəm vuran bir vaxtda verdiyi fətva... Adamı yandırıb tökən odur ki, bu gün müsəlman aləmini vəhşi kimi göstərmək niyyətində olanlar, bax elə bu şeyx kimi başıboş qəssabların timsalında dilədiklərini etdirməyi bacarırlar. Misal üçün bir müddət əvvəl də həmin şeyx qızların 15 yaşından aşağı nikaha daxil olmalarına icazə haqda da fətva vermişdi. Bu necə vəhşilikdir? Bu necə prinsipdir? Bu necə dindir? Sizlər həqiqətən bunları deyənlərin müsəlman olduğuna inanırsınızmı? Məgər müqəddəs “Qurani-Kərim” qadınlara qarşı bu qədər vəhşiliyimi təbliğ edir? Xatırlayırsınızsa, qız övladının dünyaya gəldiyi zaman diri-diri torpağa dəfn edənlər də elə bu qəbildən olan insanlar və düşüncə sahiblərinin əməlləri idi. Bütün dünya gender bərabərliyindən danışır. Bu gün qadınlar da kişilər kimi bərabər hüquqlara malikdir. Bu gün dünyanın bir çox dövlət başçıları qadınlardır. Ərəb şeyxinin dediklərindən çox, onun bu deyimlə kimlərin islama qarşı bəşəriyyətdə nifrət oyatmaq niyyətinin olmasını aşkar etmək lazımdır.

Məlum məsələdir ki, tarixin bütün dövrlərində geosiyasi müstəvidə hər bir manevr üçün enmə zolağı dinlər arası ədavət və münaqişələr olub. Bəli bu gün, dünyada baş verən bütün hadisələri nəzərə aldıqda, 3-cü dünya müharibəsinin başlayacağına ehtimal vermək mümükündür. Lakin bütün bunlar belə İslamı bu qədər çirkinləşdirməyə yetərli səbəb deyil. Suriyadan tutmuş İŞİD-ə qədər törədilənlər, günahsız-günahlı qan tökülməsinə seyrici qalmağımız yetməz kimi indi də, qadınların qoyun kimi ərləri tərəfindən yeyilməsinəmi dünya seyrici qalacaq? Bu din deyil! Bu utopiyadır!

Əgər xatırlayırsınızsa, 2-3 il bundan əvvəl Avropa ölkələrində faiz göstərici ilə çoxluq təşkil edən sayda insanlar İslam dinini qəbul edirdilər. Görünür bu bir çox dairələr arasında İslamafobiyaya səbəb oldu. O üzdən buna qarşı mübarizə aparmağa başladılar. Əfsuslar olsun ki, islam dövlətləri arasında ədavət salmaq 2*2-yə bərabərdir. Beləliklər İslamafobiyaya yoluxmuş dairələr islam dininə mənsub, lakin sosial durumu zəif olan dövlətlərdə müəyyən qədər maliyyə ayırmaqla istədikləri ssenarini uyqulaya bilirlər. Bu cür şeyxlər də, həmin qəbildən olan insanlardandır. Yəni İslamafobiyaya tutulmuş dairələrə xidmət edənlərdədir...
Lakin bunu bir çoxları nə düşünmək, nə də bundan nəticə çıxarmaq istəmir... Əslində bəzi siyasi dairələrin verdiyi maliyyə də məhz ona görə verilir ki, onlar ümumiyyətlə düşünməsin, sadəcə soru sormadan ona deyilənləri hərfi hərfinə təkrarlasın. Onları sadəcə nəticə maraqlandırır. Nəticə də göz qabağında...
Bu gün BMT-nin Təhlükəsizlik Şurası sadəcə susqunluq nümayiş etdirir. Gəlin diqqət edək regionda həmin bu İslamafobiya bayrağı altında nə qədər jurnalist acımasızca qətlə yetirildi? Nə qədər günahsız uşaq və qadın vəhşicəsinə öldürüldü? Suriya, Fələstin, Əfqanistan və indi Yəməndəki hadisələrin hansı birinə müdaxilə edir? Görəsən BMT bu boyda qan axıdılmasına rəğmən təhlükəsizlikdən necə danışa bilir? Ümumiyyətlə sual olunur ki, əgər günahsız uşaq və qadınlar acımasızca qətlə yetirilirsə BMT kimlərin təhlükəsizliyinin təmin olunmasından danışır?

Bu böyük və cavabsız sualdır. Eynən Dağlıq Qarabağ münaqişəsinə 23 ildə ATƏT-in Minsk Qrupunun verdiyi “töhvə” kimi. Ukrayna hadisəsi NATO Hərbi Aliansının belə maliyyə itgisini nəzərə alıb heç bir dövlətin lazım olduğu an dadına çatmaq niyyətində olmadığını göstərdi. İndi daha bir cavabsız sual: Bu birliklər o zaman nə üçün lazımdır? Bunlar nəyə xidmət edir?

Düşünün cənablar! Başıboş arvad ətinin reklamını verən ərəb şeyxinin dediyi cəfəngiyyatı deyil, dünyada cərəyan edən İslamafobiya hərəkatını düşünün!

Ü.Musazadə Biz bu gedişlə hara gedirik bəlli deyil...