Görəsən Səhiyyə nazirliyinin gözdəniraq kənd xəstəxanasında kimlər biznes qurub?

Bu günlərdə redaksiyamıza daxil olan məlumata görə, İmişli rayonunun Qaradağlı kəndinin baş həkimi kənd xəstəxanasını ailə ticarət obyektinə çevirərək orada sözün əsl mənasında bizneslə məşqul olur. Sözü gedən məsələni araşdıran əməkdaşımızın əldə etdiyi məlumata görə, sən demə İmişlinin kənd xəstəxanasında bizneslə məşqul olan elə həmin xəstəxananın baş həkimi Umudəli adında bir şəxsdir. Mənbənin bildirdiyinə görə, baş həkim həmin xəstəxananı oğlu Qurban ilə şərikli biznes obyektinə çevirib. Deməli baş həkim öz oğluna soyub soğana çevirdiyi kənd xəstəxanasının bir palatasında aptek açıb. Həmin aptekdə isə şəkərli diabet xəstələri üçün Səhiyyə Nazirliyinin təmənnasız ayırdığı dərman və preparatlar həmin xəstələrə pulla satılır. Xəstəxananı aptekə döndərib pulsuz dərmanları xəstələrə pulla satan Qurban isə əslində su idarəsində sürücü işləyir. Su idarəsinin müdiri Nizami isə bütün bu olanlara göz yumaraq, onun idarəyə gəlmək əvəzinə dövlət xəstəxanasında alver-etməsinə mane olmur. Görünür burada məsələ iki başlıdır. “Yəni əl əli yuyar, əl də üzü” məsəli kimi.
Baş həkim Umudəlinin isə kənd xəstəxanasındakı biznesi bununla kifayətlənmir. Sən demə tibbi biznes üzrə mütəxəssis adını alan bu Ümidəli dövləti aldadıb, bir neçə həkimi ştatata qeyd edərək, onun əmək haqlarını da mənimsəyir. Dövlətdən oğurluq edən bu şəxsin sözü gedən xəstəxanaya ştatda adı gedən yalnız heç kəsin elə bir həkimləri tanımadığı faktı da var...Görəsən Səhiyyə nazirliyinin gözdəniraq bu xəstəxanası hələ çoxmu Umudəli kimilərin istismarına məruz qalacaq?