Bakının Montində qəsəbəsində, "Montinburg" adlı kafedə minlərlə türkün qanını tökmüş erməni cəlladı Andronik təbliğ olunur.

Azerinfo.az xəbər verir ki, belə bir iddia ilə QHT xəbər saytının baş redaktoru Sənan Nəcəfov çıxış edib. Sənan Nəcəfov bildirib ki, cəllad Andronik Ozanyanın fotosu kafenin çölündə yerləşən fanarın üstündə asılıb. O, həmçinin həmin fotonu da Facebookda paylaşıb.

"Fotoya diqqət yetirin. Əgər o fotoda olanın kimliyini tanımadınızsa, mən izah edim. Bu erməni cəlladı Andronikin fotosudur. Bunlar nə demək istəyirlər? Məqsədləri nədir? Bu qədər qudurblar, ya kimin fotosunu vurduqlarından xəbərsizdilər? Bilirsiniz nəyə oxşayır? Elə bilin ki, İrəvanda hansısa bahalı puba Mübariz İbrahimovun fotosunu vurublar. Vurarlarmı?

Qeyd edək ki, Andronik Ozanyan ötən əsrin əvvəllərində minlərlə türk- müsəlmanın əhalisinin qətlə yetirilməsində birbaşa istirak edib. Sonradan türklər tərəfindən tutulan Andronikin bir qulağ kəsilib.