Mən gənc vətənpərvər Leyla Fərhad qızı Həsənova sizə məktub yazaraq bildirmək istəyirəm ki, 14 mart tarixində Bakı şəhərində öz təşəbbüsüm və Almaz Zeynalovanın rəhbəri olduğu "Şəhid Ailələrinə Dəstək İctimai Birliyi" nin dəstəyi ilə şəhid Rahilə Qarayevanın xatirəsinə həsr edilmiş "Unutmadıq, unutmarıq, unudulmayacaq!" adlı tədbir keçırtdik. Mən Leyla Həsənova tədbirdə Tovuzlu şəhidimiz Rahilə Qarayeva haqqında qonaqlara məlumat verdim. Tədbirdə iştirak edən Qarabağ döyüşçüləri Rahilə Qarayevanın döyüş şücaətindən danışdılar. Anım mərasimində bir çox təşkilatların nümayəndələri də iştirak etdi.
Sizə bir vacib məqamı bildirmək istəyirəm ki, tədbirdə Rahilə Qarayevanın adının əbədiləşdirilməsi istiqamətində işlərin görülməsi üçün fikirlər səsləndirildi. Çox istərdik ki, Şəhid Rahilə Qarayevanın adının hansısa məktəbə, müəssisəyə, küçəyə verilməsi yolunda rayon rəhbərliyi vacib addımlar atsın, yetişən gənc nəsil öz şəhidini tanısın, bilsin, heç vaxt unutmasın.
Mən bir layihə rəhbəri kimi yazaraq sizdən xahiş edirəm ki, şəhid Rahilə Qarayevanın adının əbədiləşdirilməsi istiqamətində siz də öz dəstəyinizi əsirgəməyəsiniz və bu işdə öz müvafiq addımlarınızı atasınız.